Report na Saray Manangiyabawag na Panarian

Alinisan so Ngaran na Dios ed Panagpauges

IBABAGA na Salita na Dios, say Biblia: “Masimpit komon so tongtongan yo ed utel na saray bugkalot, pian dia ed panalabutob da ed sikayo a singa managgawa na mauges nitandoro ra so Dios ed agew na idalaw to, lapu ed saray maong a ginawgawa yo a naimatonan da.” (1 Pedro 2:12) Saray tuan Kristiano sirin, so manggugunaet a pansiansiaen day maabig a kondukta ta pian napaliisan so pakabalawan na ngaran nen Jehova.

Diad nisulinek a lugar na Zambia ya atawag na Senanga, walay maestron atakewan na radyo ed abung to. Lapud saray Tastasi nen Jehova so manpupulong ed saman a lugar, inakusaan ira na laki a mamatakew. Inreport to so agawa ed polisya, ya ibabaga ton saray Tastasi so anakew ed radyo to. Bilang prueba a nanlapu iray Tastasi ed abung to, impanengneng to so sakey a tract ya aromog to ed datal. Balet, sikatoy agpanisiaan na saray polis. Pinasempet da tan imbaga ran imbestigaan to nin maong.

Pinaseseg na ulop na mamatatken iray Tastasi, a nankimey ed saman ya agew ed lugar na maestro, ya onla tan mitongtong ira ed sikato nipaakar ed saman a bengatla. Arum ed saray agagi so linma tan akitongtong ed sikato, impaliwawa ran labay dan nalinisan so pakabalawan na ngaran nen Jehova. Leleg na pantotongtong da, imbaga ra’d sikato ya akaarap da so kalangweran nin laki ed abung to tan inter da’d sikato so tract. Unong ed salaysay da, abidbir na maestro iman a laki. Diad tua et mankarelihyonan ira. Akitongtong so maestro ed saman a kalangweran nin laki, balet agto inamin so akusasyon ed sikato. Kanian akitongtong so maestro ed atateng na laki nipaakar ed satan a bengatla insan la sinmempet. Diad loob na sakey oras, impawil na ina na saman a laki so tinakew a radyo.

Apakiwas lapud pagbabawi, say maestro so inmasingger ed say ulop na mamatatken tan kinmerew na perdona ed ginawa ton palso iran akusasyon. Inawat na mamatatken so dispensa balet inkerew dan ipakabat ed publiko so resulta na imbestigasyon ta pian naamtaan na publiko ya anggapoy kasalanan na saray Tastasi. Agawa so anunsio diad eskuelaan, diad ontan et alinisan so ngaran nen Jehova ed pakabalawan. Tuloytuloy a makapanpulong iray Tastasi nen Jehova a walay kawayangan ed saman a lugar.

[Saray mapa/Litrato ed pahina 19]

(Parad aktual a format, nengnengen so publikasyon)

APRIKA

Zambia

[Credit Line]

Mountain High Maps® Copyright © 1997 Digital Wisdom, Inc.