Kasin Nanonotan Yo?

Naapresya yo ta’n binasa so agano niran paway na Say Panag-Bantayan? Akin ya agsalien ya ebatan so onggendan a tepetepet?

• Anto so Complutensian Polyglot, tan akin et makanakana itan?

Sakey itan ya inimprintan Biblia ed nanduruman lenguahe a niparungtal ed arasig tan nanaampar ya egpang, say walan sankaabigan a teksto ed saman diad Hebreo, Griego, tan Latin, a kalaktip lay pigaran kabiangan diad Aramaiko. Sayan polyglot a Biblia so sakey a baleg a kundang diad impamawala na mas suston teksto na saray orihinal a lenguahe.​—4/15, pahina 28-31.

• Panon a napaliket na totoo so Dios?

Bilang sakey a peteg a mabilay a persona, walay kapasidad nen Jehova a mannonot, onkiwas, tan manlikna. Sikato so “maliket a Dios” tan panliliketan toy panumpal ed gagala to. (1 Timoteo 1:11, NW; Salmo 104:31) Diad lalon pakaaral tayo nipaakar ed liknaan na Dios, lalon naamtaan tayo no anto so nagawaan tayo pian napaliket so Dios.​—5/15, pahina 4-7.

• Akin et inabuloyan nen David so asawa ton si Micol a nawalaan na imahen a terafim?

Sanen ginetma nen Arin Saul a pateyen si David, sikatoy tinulongan nen Micol a makatakas, ya inyan to ed dukolan so sakey ya imahen a nayarin kakurti na too. Nayarin walay terafim to lapud aliwan nagnap so puso to ed Dios. Balanglan ag-amta nen David so nipaakar ed satan odino inabuloyan to itan lapud sikatoy anak nen Arin Saul. (1 Awaran 16:25, 26)​—6/1, pahina 29.

• Anton manunan katuaan nipaakar ed dala so impaimano ed sikatayo na Dios?

Diad saray imbalikas na Dios kayari na Delap, diad Mosaikon Ganggan, tan diad ganggan ton naromog ed Gawa 15:28, 29, impaimano to ed sikatayo so bagat na niyibung a dala nen Jesus. Panamegley labat na satan a dala a nagamoran tayo so panamerdona tan pikakareenan ed Dios. (Colosas 1:20)​—6/15, pahina 14-19.

• Pigaran milagro nen Jesus so asalambit ed Biblia?

Saray salaysay na Ebanghelyo so anukoy ed 35 a milagro nen Jesus. Balet agniparungtal so eksakton bilang na ami-amin a ginawa nen Jesus a milagro, a kabiangan laray agnisulat. (Mateo 14:14)​—7/15, pahina 5.