‘Mamarakep ed Bangat na Dios’ so Maong a Walna

SAY kalangweran a si Maria, a taga-Kransnoyarsk, Russia, so maong a mangansion kanian sikatoy impigrupo na maestra to ed saray komakanta ed eskuelaan. Ag-abayag kayari na satan, marespeton inasinggeran nen Maria so sakey ed saray maestra to pian ipaliwawa a walaray agto nayarin kansionen. Akin? Lapud kontra ed nibase ed Biblia a sisisiaen to so pangansion ed saray kanta a walaay pisiglaotan ed relihyon. Abigla so maestra, tan pankelawan to no, ‘Antoy makapuy ed pangidayew ed Dios diad pangansion?’

Pian ipanengneng no akin ya agto kansionen so kantan nipaakar ed Trinidad a Dios, nilukasan nen Maria so Biblia to insan impaliwawa to a say Dios tan si Jesu-Kristo et aliwan saksakey a Dios tan say masanton espiritu et aktibon puersa na Dios. (Mateo 26:39; Juan 14:28; Gawa 4:31) Oniay inkuan nen Maria: “Ag-aderal so relasyon ko ed samay maestrak. Kaslakan a mamaestra ed eskuelaan mi et maomaong. Labay dan ipatnag mi inkanatural mi.”

Diad interon taon na paneeskuela to, nirespeto na mamaestra tan kaklase nen Maria so talindeg to. Inkuan to: “Tinulongan ak na saray prinsipyo ed Biblia. Diad panampot na sakey taon lamet a paneeskuelak, akaawat ak na premyo parad inkamatua tan inkamasinop, bangta saray ateng ko so akaawat na opisyal a sulat a pisasalamat na eskuelaan lapud maabig a pamapabaleg da ed siak.”

Abautismoan si Maria nen Agosto 18, 2001. Oniay inkuanto: “Maliket ak ta napanlingkoran ko so ontan lan abig a Dios a singa si Jehova!” Saray kalangweran a Tasi nen Jehova ed sankamundoan so manusumpal ed saray salita ed Tito 2:10, ya oniay nabasa tayo: “Dia ed amin [et] parakepen . . . so bangat na Dios a Manangilaban tayo.”

[Litrato ed pahina 32]

Sulat na panangapresya tan sertipiko na merito

[Litrato ed pahina 32]

Si Maria tan saray ateng to kayari na inkabautismoan to