Kiew Parad Balon Taon​—Kasin Simbolo Itan na Russia? Odino Simbolo na Kristiano?

“DIAD kagapo na dekaday 1830, say kiew ya evergreen so siansia nin tutukoyen bilang ‘makapasagyat a konsepto ed Alemanya.’ Diad pansamposampot na saman a dekada, ‘nagmaliw itan a kustombre’ diad saray kaabungan na mayayaman ed St. Petersburg. . . . Dia labat ed kaabungan na saray klero tan alolong na saray dumaralos so andian na kiew ya evergreen nen koma-19 siglo. . . .

“Sakbay na koma-19 siglo, [satan a] kiew . . . et aglabalabay. Say impangisiglaot ed satan diad simbolo na ipapatey tan diad ‘mundo na saray espiritu’ unong ed tradisyon na saray Ruso, tan say tradisyon a pangiyan na kiew ed saray atep na taberna, so agmitunosan ed impanguman na saray awawey diad kapegleyan na koma-19 siglo. . . . Sigpot a natalosan a diad pangaawat ed satan a tradisyon a nanlapud arum a bansa, say kabaliksan na satan et mipapara la ed samay Christmas tree dia ed Sagur, a say pisiglaotan na satan et diad espiritu na Krismas. . . .

“Say impangipasen ed kiew bilang simbolo na ‘Kristiano’ so agtampol inawat ed Russia. Kinontra itan na Iglesian Ortodokso. Naimano na saray klero so ‘denedemonyon gawa’ dia ed satan a balon selebrasyon, sakey a paganon tradisyon, ya agbalot misiglaotan ed inkianak na Manangilaban, tan nagkalalo ni et sakey itan a tradisyon a nanlapu ed Sagur.”​—Propesor Yelena V. Dushechkina, doktor na siensia ed pilosopiya diad St. Petersburg State University.

[Picture Credit Line ed pahina 32]

Litrato: Nikolai Rakhmanov