Sakey ya Importantin Okasyon a Nodnonoten!

Lunes, Abril 2

Diad saman et Nisan 14, taon 33 C.E., sanen ipapasa nen Jesus so sankopa ya alak tan agnilaokan na lebadura a tinapay ed saray apostol to. Say bilin to? “Gawa yo ya a pakanodnonotan ed siak.”​—Lucas 22:19.

Kanian, maminsan ed sakey taon, saray Tasi nen Jehova ed interon mundo so mantitipon pian nodnonoten so impatey nen Jesus unong ed paraan ya imbilin to ed saman a labi sanen imbaga to itan. Diad sayan taon et onggapo so Nisan 14 no Lunes, Abril 2, kaselek na agew. Imbitado kan milimog ed sikami ed pantitipon ed satan a labi bilang pannodnonot. Ipangasin amtaen ed saray Tasi nen Jehova ed lugar yo so eksakton oras tan pasen a pakagawaan.