“Amtam so Ngaran na Dios?”

SATAN a tepet, a titulo na Enero 22, 2004 ya isyu na magasin ya Awake!, so anagyat ed interes na sakey a bii diad abalaten-sagur a Sentral Asia. Oniay insulat na saman a bii ed saray manangipalapag na sayan magasin: “Agustoan kon tampol so magasin yo, tan atulongan ak pian pablien ko so maabig iran prinsipyo ed moral. Magmamaliw a lalon positibo so panmoriak ed bilay. Ibabagak ed amin so nipaakar ed Dios tayo tan say kareenan ya epekto na satan a pikakabat.”

Diad dakel a pasen, a diad tua et “angga ed kasampotan na dalin,” nakakabatan la na saray totoo so ngaran na Dios a Jehova. (Gawa 1:8) Singa bilang, say ngaran a Yehowa so nabasa diad patalos na Masanton Kasulatan diad lenguahen Turkmen. Ditan et onia so nabasa ed Salmo 8:1: “O Jehova, Katawan mi, alay kablian na ngaran mo ed amin a dalin.”

Ta pian dakel ni so naaralan na saman a bii nipaakar ed si Jehova a Dios, sikato so kinmerew na 32-pahinan brosyur a The Divine Name That Will Endure Forever. Nayarian yo met so onkerew na onian brosyur ed sakey ed saray Tasi nen Jehova.