‘Magmaliw a Marlang ed Espiritu’
‘Magmaliw a Marlang ed Espiritu’
“Aleg so mangiras ed saray kimey; [magmaliw a] marlang ed espiritu; panlingkoran so Katawan.”—ROMA 12:11.
1. Akin a saray Israelita et nambagat na ayayep tan arum nin apay?
AAPRESYAEN nen Jehova iray mabulos a panangiyapay na saray lingkor to bilang balikas na panangaro ra ed sikato tan panagpasakop ed linawa to. Nensaman, inawat to iray nanduruman bagat ya ayep tan arum nin apay. Ginawa iraya na saray Israelita base ed Mosaikon Ganggan pian naperdona iray kasalanan da tan pian ibalikas so pisasalamat da. Diad Kristianon kongregasyon, agla kakaukolanen nen Jehova so ontan iran panagbagat. Balet, diad kapitulo 12 na sulat nen apostol Pablo ed saray Kristiano ed Roma, imbaga ton siansia nin iilaloan nen Jehova a mangiyapay itayo na saray bagat. Aralen tayo no panon tayo itan a nagawaan.
Sakey a Mabilay a Bagat
2. Panon so nepeg tayon pambilay bilang Kristiano, tan antoy kabaliksan na saya?
2 Basaen so Roma 12:1, 2. Diad bandad gapo na sulat nen Pablo, malinew ton impaimano a saray alanaan a Kristiano, Judio man odino Gentil, et niyabawag a matunong ed arap na Dios panamegley na pananisia, aliwan diad gawa. (Roma 1:16; 3:20-24) Diad kapitulo 12, impaliwawa nen Pablo a nepeg ya ipanengneng na saray Kristiano so pisasalamat da panamegley na masakripisyon panagbilay da. Pian nagawaan tayo itan, kaukolan tayon umanen so nonot tayo. Lapud ag-itayo perpekto, aripen itayo na “ganggan na kasalanan tan ipapatey.” (Roma 8:2) Kaukolan sirin a ‘pasimbaloen so espiritu na kalakal tayo,’ a sigpot ya umanen iray makapuy a pilpilalek tayo. (Efe. 4:23) Nagawaan tayo labat itan diad tulong na Dios tan say espiritu to. Mankaukolan met itan na pansagpot tayon maong, ya usaren tayoy abilidad a mankatunongan. Kabaliksan na saya a gawaen tayoy anggaay nayarian tayon agpaimpluensyaan tan ‘agmiabobon ed sayan mundo’ ya abebbebay moralidad, mabanday iray panagligliwaan, tan pikewet so panagnonot to.—Efe. 2:1-3.
3. Akin et gagawaen tayo iray aktibidades tayo bilang Kristiano?
3 Papasesegen itayo met nen Pablo ya usaren so abilidad tayon mankatunongan pian paneknekan ed inkasikatayo no anto so “maong tan makapaliket tan nasnaspot a linawa na Dios.” Akin et inagew-agew tayon babasaen so Biblia, dadalepdepen iray nababasa tayo, manpipikasi, mimiaral, tan ipupulong so maong a balita na Panarian? Kasin lapud ibabaga itan na saray mamatatken ed kongregasyon tayo? Tua, aapresyaen tayo iray panonot na mamatatken. Balet ta gagawaen tayo iratan lapud papakiwasen itayo na espiritu na Dios ya ipanengneng so impapuson panangaro ed si Jehova. Niarum ni, kombinsido so balang sakey ed sikatayo a linawa na Dios a sumpalen tayo iratan. (Zac. 4:6; Efe. 5:10) Sano say kabibilay tayo et talagan Makristiano, magayaga tan napnapnek itayo lapud amta tayon makapaliket itayo ed Dios.
Saray Nanduruman Langkap
4, 5. Panoy nepeg a pangusar na mamatatken ed saray langkap da?
4 Basaen so Roma 12:6-8, 11. Impaliwawa nen Pablo a walaan itayo na ‘nanduruman langkap, unong ed grasya a niiter ed sikatayo.’ Arum ed saray langkap a sinalambit nen Pablo, a singa say panagbilin tan pananguley odino panangasikaso, et parad saray mamatatken. Sikaray papakiwasen a mangasikaso ‘tekep na seseg.’
5 Unong ed si Pablo, say ontan ya inkaseseg et nepeg a napatnagan met ed paraan na panlilingkor na saray manangasikaso bilang managbangat tan diad panusumpal da ed “ministeryo” ra. Ipapabitar na konteksto a say tutukoyen nen Roma 12:4, 5) Mipara itan ed samay ministeryon imbaga na saray apostol: “Usaren mi so amin a panaon tan biskeg mi diad panagpikasi tan diad ministeryo nipaakar ed salita.” (Gawa 6:4, NW) Diad sayan ministeryo et uusaren na saray mamatatken iray langkap da pian pabiskegen iray membro na kongregasyon. Susumpalen da ‘iyan ministeryo’ diad kongregasyon sano maseet iran mangiwawanwan tan manisimbawa base ed Salita na Dios. Nagawaan da itan no masimoon iran manaral, man-research, manbangat, tan mangasikaso ed kada membro na kongregasyon. Nepeg a matoor ya usaren na saray manangasikaso iray langkap da tan asikasoen da so pulok “tekep na liket.”—Roma 12:7, 8; 1 Ped. 5:1-3.
Pablo a “ministeryo” et saray kimey a gagawaen ed kongregasyon, salanti, say “sakey a laman.” (6. Panon tayon natumbok so simbawa na Roma 12:11, say pinagkateman teksto ed sayan artikulo?
6 Onia ni imbaga nen Pablo: “Aleg so mangiras ed saray kimey; [magmaliw a] marlang ed espiritu; panlingkoran so Katawan.” No naimano tayo a walay tendensia tayon ontayer ed ministeryo, kaukolan tayon paaligwasen so panagaral tayo tan mas ipapuso so panagpikasi, a maparanay a kerewen so espiritu nen Jehova. Makatulong iratan pian nalabanan so pagmaliw a malainem-em tan pian napasimbaloy seseg tayo. (Luc. 11:9, 13; Apo. 2:4; 3:14, 15, 19) Pinabiskeg na masanton espiritu iray Kristiano nensaman pian itongtong iray “makapakelaw a gawa na Dios.” (Gawa 2:4, 11) Ontan met natan, say masanton espiritu so mamakiwas ed sikatayon magmaliw a maseseg ed ministeryo, tan “marlang ed espiritu.”
Inkamapaabeba
7. Akin et nepeg a manlingkor itayo tekep na inkamapaabeba?
7 Basaen so Roma 12:3, 16. Saray langkap a walad sikatayo et lapud “grasya” odino agnaparaan a kaabigan nen Jehova. Oniay inkuan nen Pablo ed arum nin sulat to: “Say impagmaliw min kualipikado et manlalapud Dios.” (2 Cor. 3:5, NW) Kanian, nepeg ya agtayo aalaen so dayew. Nepeg a mapaabeba tayon bidbiren ya amin a nagagawaan tayo ed ministeryo et lapud panamendisyon na Dios, aliwan lapud abilidad tayo. (1 Cor. 3:6, 7) Nipaakar ed saya et oniay inkuan nen Pablo: “Kuan ko sirin ed balang sakey a too ed sikayo, ya agto nonoten so inkasikaton dili ya atagtagey nen say kanepegan a nonoten.” Tua, kaukolan a walaan itayoy liket, inkapnek, tan respeto ed sarili diad panaglingkor ed si Jehova. Balet, no mapaabeba itayo, amta tayo ray limitasyon tayo, tan sirin et napaliisan tayoy pagmaliw a dogmatiko odino pangipilit na opinyon. Labay tayoy ‘mannonot tekep na kaabebaan na linawa.’
8. Panon tayon napaliisan so pagmaliw a ‘makabat ed dilin kanonotan tayo’?
8 Makapuy no ipasirayew tayo ray nagagawaan 1 Cor. 3:7) Unong ed si Pablo, kada membro na kongregasyon et inikdan na Dios na nanduruman langkap odino abilidad. Kanian, imbes ya atagtagey so pakanengneng tayo ed inkasikatayo, nepeg tayon bidbiren so nagagawaan na arum, unong ed langkap odino abilidad a walad sikara. Onia ni inkuan nen Pablo: “Mankakasakey kayo ed kanonotan.” Diad arum nin sulat na sayan apostol, bibilinen to itayo ya ‘anggapon balot komon so gawaen tayo lapud kasusumpa o panpasirayew, noag dia ed kaabebaan na kalakal et ibilang komon na balang sakey so arum a magmaong nen say sikaton dili.’ (Fil. 2:3) Kaukolan ya aliwan kunkunwari so inkamapaabeba tayo tan lawas tayon pansagpotan a bidbiren a walaray aspekto a mas atagtagey iray agagi tayo nen say sikatayo. Say inkamapaabeba so ontulong pian napaliisan tayoy magmaliw a ‘makabat ed dili tayon kanonotan.’ Tua, nayarin naiimano iramay walaan na pribilehyo, balet ta nepeg a panliketan tayo so panggawa na “saray bengatla ya abeba,” odino kimkimey a maslak ya agnanaimano na arum.—1 Ped. 5:5.
tayo, ta diad tua et ‘say Dios so mamapabaleg.’ (Pankakasakey Tayo Bilang Kristiano
9. Akin et inkompara nen Pablo iray alanaan a Kristiano ed saray kabiangan na laman?
9 Basaen so Roma 12:4, 5, 9, 10. Inkompara nen Pablo iray alanaan a Kristiano ed saray kabiangan na laman, a mankakasakey a manlilingkor diad panangiwanwan na Ulo ra, si Kristo. (Col. 1:18) Pinanonotan to ray alanaan a Kristiano a say sakey a laman et walaan na dakel a kabiangan tan nandurumay usar na saratan. Ontan met ed sikara, ‘anggaman dakel ira, saksakey ira a laman ed Kristo.’ Onia met so impaseseg nen Pablo ed saray alanaan a Kristiano ed Efeso: “Diad panamegley na aro, . . . ombaleg itayo komon ed amin a bengatla a mitunosan ed samay ulo, si Kristo. Lapud sikato, say amin a kabiangan na laman, a mauk-uksoy ya atuop tan ginawan mantutulongan pian iter da no antoy nakaukolan, unong ed suston usar na kada sakey, so mankikimey parad ibaleg na laman pian ombiskeg iya ed aro.”—Efe. 4:15, 16, NW.
10. Anton autoridad so nepeg a bidbiren na ‘arum a karnero’?
10 Anggaman say ‘arum a karnero’ et agkabiangan na laman nen Kristo, dakel so naaralan da ed sayan ilustrasyon. (Juan 10:16) Inkuan nen Pablo ya ‘inyan nen Jehova so amin a bengatla diad leksab na saray salisali nen Kristo, tan inyan ton ulo na amin a bengatla parad kongregasyon.’ (Efe. 1:22) Diad sayan panaon, say arum a karnero et kaiba ed samay ‘amin a bengatla’ ya impasen nen Jehova diad panangidaulo na Anak to. Kabiangan met ira ed saray kaykayarian ya inmatalek nen Kristo ed “matoor tan makabat ya aripen” to. (Mat. 24:45-47) Kanian, nepeg a saramay walaan na ilalon manbilay ed dalin et bidbiren day Kristo bilang Ulo ra tan manpasakop ed matoor tan makabat ya aripen tan ed Mananguley ya Ulop na satan tan ed saray lalaki a tinuro pian mangasikaso ed kongregasyon. (Heb. 13:7, 17) Sakey iyan rason no akin a mankakasakey itayo bilang Kristiano.
11. Antoy akabasian na pankakasakey tayo, tan anto ni arum a simbawa nen Pablo?
11 Satan a pankakasakey et base ed aro, say “ayadyarin bedber na pankakasakey.” (Col. 3:14) Indanet iya nen Pablo diad Roma kapitulo 12, ya inkuan ton say aro tayo et nepeg ya ‘ag-atekepan na pankunkunwari’ tan diad “aroan na sanaagi” et nepeg a “matamoy komon so aroan na sakey tan sakey.” Saya et manresulta ed panangipanengneng na respeto ed balang sakey. Oniay imbaga na apostol: “Dia ed galang manpapalabian [odino, mangidaulo] kayo.” Siempre, sayan aro et aliwan lapu labat ed emosyon odino pagmaliw a konsintidor. Nepeg a gawaen tayoy anggaay nayarian tayon pansiansiaen a malinis so kongregasyon. Sanen animbawa si Pablo nipaakar ed aro, oniay inyarum to: “Busol yo so mauges, ompeket kayo ed maong.”
Say Inkamaparawes
12. No nipaakar ed inkamaparawes, antoy naaralan tayo ed saray Kristiano diad Macedonia nensaman?
12 Basaen so Roma 12:13. Pakiwasen itayo na panangaro ed saray agagi a ‘mangiyutob ed pankaukolan na saray masanto,’ unong ed pakasarag tayo. Anggaman mairap so bilay tayo, sarag tayon inabang no antoy walad sikatayo. Oniay insulat nen Pablo nipaakar ed saray Kristiano ed Macedonia: “Kaleganan na baleg a subok diad silong na kairapan, impatnag day baleg a gayaga tan inkamabunlok, anggaman mair-irap so bilay da. Ta unong ed peteg a pakasarag da, on, napaneknekan ko a saya so alabas ni nen say peteg a pakasarag da, tan unong ed dilin panlabayan da et masimsimoon iran mikakasi ed sikami pian nawalaan iray pribilehyon mangiter a mabunlok tan makapibiang ed panaglingkor ed saray masanto [diad Judea].” (2 Cor. 8:2-4, NW) Anggaman mairap so bilay na saray Kristiano diad Macedonia, agaylay inkamabunlok da. Impasen dan pribilehyo so pangiter ed saray mankaukolan ya agagi ra diad Judea.
13. Antoy kabaliksan na “tumboken so panagparawes”?
13 Diad Griegon salita, say impatalos a “tumboken so panagparawes” et mankabaliksan a sikatayo lay unonan manggawa na kundang. Say impangipatalos na The New Jerusalem Bible ed sayan balikas et “mananap na pankanawnawan mamarawes.” No maminsan, nipatnag tayoy panagparawes diad pangimbita ed arum a mangan ed abung tayo. Tan nakomendaan itayo sano gawaen tayo itan tekep na aro. Balet no “mananap [itayo] na pankanawnawan mamarawes,” namoria tayon wala ni ra manayay arum a paraan. Singa bilang, no agtayo naimbitaan iray agagi a mangan ed abung tayo lapud anggapoy malaem a kuarta tayo odino agnayarian na laman tayo, panangipanengneng nin siansia na panagparawes so pangiyopresi kape, tsaa, odino arum nin nainum.
14. (a) Anton duaran salita so nanlapuan na Griegon balikas ya impatalos a “panagparawes”? (b) Diad ministeryo, panon tayon nipanengneng so panangiyansakit ed saray dumay nasyonalidad da?
14 Say inkamaparawes et laktipen toy panmoria tayo ed arum a too. Samay Griegon balikas ya impatalos a “panagparawes” et nanlapud duaran salita a mankabaliksan na “aro” tan “sankaili.” Antoy panmoria tayo ed saray sankaili odino ed saramay dumay nasyonalidad da? Say sakey a paraan na pagmaliw a maparawes et diad maseet a panaral na arum a lenguahe pian nipulong so maong a balita ed saray dumay nasyonalidad da a manaayam ed teritorya na kongregasyon tayo. Siempre, lapud nandurumay sirkumstansya tayo, aliwan amin et sarag toy manaral na arum a lenguahe. Balet, sarag tayon amin a tulongan iray totoon dumay nasyonalidad da diad pangusar ed bokletan Good News for People of All Nations. Nabasa ditan so mensahe na Biblia diad
dakerakel a lenguahe. Wala ta lay marakep a naeksperiensyam diad impangusar mo ed sayan bokleta ed ministeryo?Pililikna
15. Akin a napanuliranan si Jesus no nipaakar ed samay simbawan walad Roma 12:15?
15 Basaen so Roma 12:15. Say simbawa nen Pablo ed sayan bersikulo et nasegek ed sakey a salita: Milikna. Kaukolan tayon talosan so nalilikna na arum tan miliket odino miermen ni ingen ed sikara. No marlang itayo ed espiritu, napatnagan so pililiket odino panangabagey tayo. Sanen malikeliket a pinmawil iray 70 disipulo nen Kristo tan inistorya ray maabig a resulta na impanpulong da, si Jesus et ‘linmiket ed masanton espiritu.’ (Luc. 10:17-21) On, akiliket si Jesus ed sikara. Balet sanen inatey so kaaro ton si Lazaro, sikatoy ‘akinangis ed saray mannanangis.’—Juan 11:32-35.
16. Panon tayon nipatnag so pililikna, tan siopa so kaukolan a nagkalalon mangipatnag ed satan?
16 Labay tayon aligen so pililikna nen Jesus. Sano maliket so kaagian tayo, ipanengneng tayon mililiket itayo ed sikato. Ontan met, nepeg a malikas itayo ed ir-irap tan paneermen na saray agagi tayo. Nainawaan a maong iray kaagian tayo a nagogonigon odino naeermenan no talagan talinengen tayo ira tan milikna tayo ed sikara. No maminsan, lapud peteg ya atenyeg so liknaan tayo et makalua itayo ni ingen. (1 Ped. 1:22) Nepeg a nagkalalon iyaplika na saray mamatatken iyan simbawa nen Pablo nipaakar ed panangipatnag na pililikna.
17. Anto la ray naaralan tayo ed Roma kapitulo 12, tan anto ni aralen tayo ed onsublay ya artikulo?
17 Saray naaralan tayo lan bersikulo ed Roma kapitulo 12 so angiter ed sikatayo na saray simbawan niyaplika ed kabibilay tayo bilang Kristiano tan ed pidedeneng ed saray agagi. Diad onsublay ya artikulo, aralen tayo so nakekeraan ni ran bersikulo na sayan kapitulo, nipaakar ed no panon tayon moriaen tan tratoen iray agtayo kapananisiaan, pati la ray sumusumpa tan manamasegsegang.
Bilang Repaso
• Panon tayon nipanengneng a ‘marlang itayo ed espiritu’?
• Akin et nepeg tayon panlingkoran so Dios tekep na inkamapaabeba?
• Diad antoran paraan a nipatnag tayoy pililikna tan panangabagey ed saray kaagian tayo?
[Tepetepet Parad Panagaral]
[Saray litrato ed pahina 4]
Akin et gagawaen tayo iray aktibidades tayo bilang Kristiano?
[Litrato ed pahina 6]
Panon tayon natulongan iray totoon dumay nasyonalidad da a makaaral nipaakar ed Panarian?