Kasin Nanonotan Yo?

Nanggayagaan mo ta so impanbasa ed agano ni ran paway na Say Panag-Bantayan tan The Watchtower? Salim pa sirin ya ebatan iray onggendan a tepet:

• Say bangat a kapalaran et papanisiaan na antoran relihyon?

Idadanet na Calvinism so doktrinan kapalaran. Saray bangat na Managreporma a si Jean Cauvin (John Calvin) et inawat na saray relihyon a Reformed, Presbyterian, Congregational, tan Puritan.​—9/1-E, pahina 18-21.

• Iner so angalaan nen Cain na asawa to?

Nayarin say asawa nen Cain et nanlapud kailalakan lanlamang nen Eva, ya “angilalak na lalaki tan bibii.” (Gen. 5:4)​—9/1-E, pahina 25.

• Siopan anghel so imbaki na Dios ed unaan na Israel sanen pinapaway To ra ed Ehipto? (Exo. 23:20, 21)

Makatunongan a panisiaan a say anghel a ‘walad sikato so ngaran nen Jehova’ et say panguloan ya Anak na Dios, ya akabkabat ed saginonor bilang si Jesus.​—9/15, pahina 21.

• Akin et asalambit ed 1 Corinto so karnen inyapay ed saray idolo?

Saray ayayep et inyapay ed saray templo na Griego tan Romano, balet saramay keran karne ya agkinan legan na seremonya et nayarin inlako ra’d tindaan. Agmibibiang iray Kristiano ed panagdayew na saray pagano; ingen ta agda impasen a kontaminado iratan a karne. Insulat nen apostol Pablo: “Akan yo so amin a karne ya ilalako ed tindaan, ya agkayo la mantetepet nisengeg ed konsiensia yo; ta ‘si Jehova so akankayarian na dalin tan say amin a bengatlan wadtan.’” (1 Cor. 10:25, 26)​—10/1, pahina 12.

• No nipaakar ed dugan panagdayew, antoran panagrason so ag-aawaten na Dios?

‘Mair-irap. Agko labay. Busy ak. Agko sarag. Asakitay liknaan ko.’ Aliwa irayan makatunongan a rason pian agtayo unoren iray ganggan na Dios.​—10/15, pahina 12-15.

• Antoray paraan pian napabiskeg ka tan saray arum diad aral?

Manparaan. Regular ya onatendi. Onsabi’d dugan oras. Awiten iray nakaukolan. Agmanpapaabala. Mibiang. Mankomenton antikey. Gawaen iray asainmin. Komendaan iray akibiang. Milimog antis tan kayari aral.​—10/15, pahina 22.

• Say kating, a tatawagen met natan ya Hansen’s disease, et asalambit ed anton salaysay na Biblia a nalalanor so sakey ya ugaw a bii?

Diad 2 Arari kapitulo 5, nabasa tayo so nipaakar ed sakey ya Israelitan bii a lingkor na Siryanon hepe na sundalo, a manngaray Naaman. Lapud akating iyan hepe, insuheri na ugaw ya sikatoy onla’d si propetan Eliseo pian onabig.​—11/1-E, pahina 22.

• Antoy naaralan tayo ed impampadaeg nen Aaron ed desdes na kalimog?

Sanen anggapoy Moises, dinagdag na saray Israelita si Aaron a manggawa na dios da. Lapud takot et nanggawa met. Ipapanengneng na saya a say desdes na kalimog et aglabat naeeksperiensya na saray kalangweran. Apektado met anggan saray wala la’d edad, a malabay a manggawa na duga. Kaukolan ya ag-itayo padadaeg ed desdes na kalimog.​—11/15, pahina 8.

• Dinan so tua, tan dinan so tila?

Tuan persona si Satanas: tua. (2 Cor. 11:14) Diad patey, ondalan so amin a totoo ed kawalaan na saray espiritu: tila. (Ecl. 9:5) Iyaansakit itayo na saray matoor ya anghel: tua. (Sal. 34:7) Mipara si Jesus ed Dios: tila. (1 Cor. 11:3)​—12/1-E, pahina 8-9.