Kasin Panliliketan Mo so “Pribilehyon Mangiter a Mabunlok”?

SARAY Kristiano nensaman ed Filipos et kabkabat ya mabunlok a manusuportad dugan panagdayew. Diad samay pinuyanan a sulat nen apostol Pablo ed sikara, inkuan to: “Naynay ak a misasalamat ed Dios ko kapagno nanonotan ta kayo diad kada pampipikasik a masimoon parad sikayon amin, a legan kon gagawaen iraya et malikeliket ak lapud tulong yo parad maong a balita manlapud unonan agew ya impangawat yo ed satan anggad sayan bekta.” (Fil. 1:3-5) Sanen abautismoan si Lidia tan say sankaabungan to, agnalingwanan nen Pablo so impamilit nen Lidia ed sikato tan saray kakaiba to ya ontuloy irad abung to.​—Gawa 16:14, 15.

Ag-abayag, say balon kongregasyon ed Filipos so amiduan angipawit na saray nakaukolan nen Pablo legan na pigay simban impanayam tod saray agagi ed Tesalonica, manga 160 kilometro so kaarawi to. (Fil. 4:15, 16) Kayari pigaran taon, sanen saray taga Filipos tan arum ya agagi ed Macedonia  et nasusubok lapud “mair-irap so bilay da,” akabatan day pankaukolan na saray apasegsegang ya Kristiano diad Jerusalem tan labay day ontulong. Nibagan mismo nen Pablo a “saya so alabas ni nen say peteg a pakasarag da.” Balet, insulat to: “Aminpigapiga iran akikasi ed sikami pian nawalaan iray pribilehyon mangiter a mabunlok.”​—2 Cor. 8:1-4; Roma 15:26.

Kayari manga samploran taon manlapu nen nagmaliw a Kristiano iray taga Filipos, sikaray siansia nin mabunlok. Nen nadngelan dan aprisoy Pablo diad Roma, imbaki day Epafrodito ya manbiahe na 1,287 kilometro pian awiten iray suplay parad apostol. Mapatnag a labay ya suportaan na saray taga Filipos si Pablo pian nitultuloy toy pampulong tan pamabiskeg ed saray agagi anggano akapriso.​—Fil. 1:12-14; 2:25-30; 4:18.

Ipapasen na saray Kristiano natan a pribilehyo so panuporta ed kimey a panangipulong ed Panarian tan panaggaway babangatan. (Mat. 28:19, 20) Gagawaen day anggaay nayarian dan iyunay interes na Panarian diad pangiiter day panaon, biskeg, tan materyal a suporta. Nabasad kahon iray pigaran paraan no panon kayon makapisuportaan ed sayan kimey a nanlapud Dios.

[Kahon ed pahina 22, 23]

SARAY PARAAN NA PANGITER A PINILI NA ARUM

KONTRIBUSYON PARAD SANKAMUNDOAN A KIMEY

Dakel so mangipepelag na kontribusyon diad saray kahon ya atatakan na “Worldwide Work.”

Binulan ya ipapawit na saray kongregasyon irayan kontribusyon diad sangan opisina na saray Tasi nen Jehova a manlilingkor ed bansa ra. Saray boluntaryon donasyon a kuarta et nayari met ya direktan ipawit ed Watch Tower Bible and Tract Society of the Philippines, Inc., PO Box 2044, 1060 Manila, odino diad sangan opisina na saray Tasi nen Jehova a manlilingkor ed bansa yo. (Nayari met ya ipawit ed sangan opisina na saray Tasi nen Jehova a manlilingkor ed bansa yo iray boluntaryon donasyon ya akalistad leksab.) Saray tseke ya ipawit ed address ed tagey so kaukolan ya ingaran ed “Watch Tower Society.” Nayari met ya idonasyon iray alahas odino arum ni ran ankablin bengatla. Nepeg ya itekep ed sarayan donasyon so sakey ya antikey a sulat a mangibabagan inregalo iratan.

DONASYON A WALARAY KONDISYON

Nayari met ya imatalek ed Watch Tower Society so kuarta pian nausar ed sankamundoan a kimey. Balet, ipawil itan sano kerewen la na angimatalek. Parad kaaruman ya impormasyon, ipangasin mansulat ed Treasurer’s Office diad address ya asalambit la odino ontawag ed (02) 411-6090.

CHARITABLE PLANNING

Likud ed pangidonasyon na kuarta, walaray arum nin paraan na panangiter parad sankamundoan a kimey ed Panarian. Kaibad saraya so:

Insurance: Say Watch Tower Society et nayarin iyan bilang beneficiary na life insurance policy odino retirement/pension plan.

Saray Deposito ed Bangko: Saray deposito ed bangko, kasulatan nipaakar ed deposito, odino deposito ed panretiro so nayarin imatalek odino ingaran ed Watch Tower Society diad ipatey, unong ed saray kakaukolanen na lokal a bangko.

Saray Stock tan Bond: Saray stock tan bond so nayarin idonasyon ed Watch Tower Society odino ingaran so Watch Tower Society a beneficiary diad ipatey.

Lote tan Abung: Say lote tan abung a nilako et nayarin iregalo, odino no panaayaman ni itan na angidonar, manayam nin siansia ditan legan a mabilay. Mitalosan ed sangan opisina diad bansa yo sakbay ya iyalis so titulo na antokaman a lote tan abung.

Gift Annuity: Say gift annuity et sakey ya uksoyan pian niyalis na sakey so kuarta odino securities (stocks, bonds, shares) diad korporasyon ya uusaren na saray Tasi nen Jehova. Bilang kasalat, say angidonasyon, odino siopaman a pangipiyaan to, so makaawat na espisipikon tinaon a bayar na annuity legay bilay. Say angidonasyon et makaawat na income-tax deduction diad samay taon a niyareglo so gift annuity.

Testamento tan Saray Trust Fund: Saray kayarian odino kuarta so nayarin ipatawir ed Watch Tower Society diad panamegley na sakey a legal a testamento, odino nayarin iyan so Watch Tower Society bilang beneficiary na trust agreement. Say trust fund a parad sakey a relihyoson organisasyon et nayarin walaray pigaran bentaha to ed panag-buis.

Ipapatnag na terminon “charitable planning” a sarayan klase na donasyon et kaukolan ya iplano na mangidonasyon. Pian natulongan iray malabay a mandonasyon ed sankamundoan a kimey na saray Tasi nen Jehova panamegley na charitable planning, walay sakey a brosyur diad Ingles tan Español ya atituloan na Charitable Planning to Benefit Kingdom Service Worldwide. Sayan brosyur et inimprinta pian mangiter na impormasyon nipaakar ed nanduruman paraan na panagregalo, ya iter natan odino ipatawir sano ompatey imay akanggawa. Sanen abasa na dakel a totoo iyan brosyur tan kinmonsulta ed saray legal a managkonseho rad panag-buis, sinuportaan da so sankamundoan a relihyoson kimey tayo tan pananulong ed kaparan too, tan dakel met so benepisyo rad buis legan dan gagawaen itan. Makala kayo na onian brosyur diad Charitable Planning Office.

Parad kaaruman ya impormasyon, sarag yoy onsulat odino ontawag ed Charitable Planning Office, odino nayari yon kontaken so sangan opisina na saray Tasi nen Jehova diad bansan kawalaan yo.

Charitable Planning Office

Watch Tower Bible and Tract Society of the Philippines, Inc.

186 Roosevelt Avenue

San Francisco del Monte

1105 Quezon City

Telepono: (02) 411-6090