SAY PANAG-BANTAYAN—PANARALAN YA EDISYON Setyembre 2013
Aralen ed sayan isyu no panon tayon makapanggaway makabat iran desisyon, napabiskeg so relasyon tayod Dios a Jehova, tan nagunggonaan ed saray panonot to.
Makatulong no Nengnengen Moy Pandumaan
Naynay ya angusar si Jesus na pandumaan. Aralen no panon mon nausar iratan pian natulongan so arum ya makaamtad katuaan.
Napanmatalkan Iray Panonot nen Jehova
Lanang ya papanonotan nen Jehova iray totoo to pian nigiya to ra. Akin et napanmatalkan tayo ray panonot na Dios?
Panliketan Iray Panonot nen Jehova
Kasin maliket tayon uunoren iray ganggan nen Jehova, o no maminsan et iisipen tayon makapabelat iratan? Panon tayon napabiskeg so talek tayod saray panonot to?
Kasin Nampasimbalo Ka La?
Akin et kaukolan ya “manpasimbalo” so amin a Kristiano? Anton panamasimbalo so nepeg tayon gawaen, tan panon tayon nagawaan itan?
Manggaway Makabat Iran Desisyon
Panon tayon naseguro ya saray desisyon tayo et unong ed linawa na Dios? Antoy makatulong pian nagawaan tayo so desisyon tayo?
Pabiskegen na Panagpayunir so Relasyon Tayod Dios
Aralen so waloran paraan ya napabiskeg na panagpayunir so relasyon tayod si Jehova. Antoy makatulong pian nitultuloy moy sigpot panaon ya panlilingkor mo?
Tepetepet na Saray Manbabasa
Akin et akalua si Jesus antis ton pinaoli si Lazaro, ya nabasad Juan 11:35?
