Sakey ya Ugalin Mas Mabli nen say Diamante
Nensaman ni et ipapasen lan mabmablin bato so diamante. Saray arum et manbili na minilyon a dolyar. Balet wala ni kasi mas mabli ed Dios nen say diamante o arum nin mablin bato?
Si Haykanush, ya agbautismadon manangipalapag ya taga Armenia, et akarokdok na passport diad asingger ed abung da. Wala ray akasigpit ditan ya debit card tan baleg ya kantidad na kuarta. Imbaga to iyad asawa to ya kapara ton agbautismadon manangipalapag.
Balbaleg so problema ed kuarta na sayan sanasawa tan walay utang da; balet nandesisyon iran ipawil so kuarta diad address ya akasulat ed passport. Agmakapanisia imay lakin akabalang ed satan, pati say pamilya to. Impaliwawa nen Haykanush tan say asawa to ya saray nanaaralan dad Biblia so angibangat ed sikaran magmaliw a matua. Parad sikara et kaukolan day magmaliw a matua, tan inusar da iyan pankanawnawa pian ibaga so nipaakar ed saray Tasi nen Jehova tan inikdan da so pamilya na pigaran literatura.
Bilang kasalat et labay na pamilya ya ikdan na kuarta si Haykanush, balet agto inawat. Diad tinmumbok ya agew, linmad abung di Haykanush imay asawan bii tan impilit ton awaten nen Haykanush so singsing ya diamante bilang pisasalamat na pamilya ra.
Singa satan ya pamilya, nayarin dakel so mankelaw ed inkamatua nen Haykanush tan say asawa to. Balet kasin pankelawan itan nen Jehova? Anto kasi pangipasen to ed inkamatua da? Wala kasi gunggona na inkamatua da?
SARAY UGALIN MAS MABLI NEN SARAY MATERYAL YA BENGATLA
Aliwan mairap ya ebatan iratan ya tepet. Lapud panisiaan na saray lingkor na Dios ya say pangipatnag na saray kualidad nen Jehova et mas mabli ed sikato nen say diamante, balitok, o arum nin materyal a bengatla. On, si Jehova tan say maslak a totoo et mandumaan so ipapasen da ya mabli tan aliwan mabli. (Isa. 55:8, 9) Tan no saray lingkor nen Jehova et nipatnag dan maong iray kualidad to—atan so mabmabli.
Nanengneng tayo iya ed samay ibabaga na Biblia nipaakar ed pakatebek tan karunongan. Oniay nabasa ed Proverbio 3:13-15: “Maliket so toon makakaromog na karunongan tan say toon makakagamor na pakatebek; ta say pakagamor na karunongan et magmaong ni nen say pakagamor na pilak, tan magmaong ni itan a nagunggona nen say balitok. Mas mabli ni itan nen saray korales; agmakapipara ed satan so antokaman a pipirawaten mo.” Kanian seguradon mas mabli ed si Jehova iratan ya kualidad nen say dinanman a materyal a kayamanan.
Say inkamatua balet ey?
Si Jehova ya mismo et matua; “agto nayarian so mantila.” (Tito 1:2) Tan oniay impaisulat tod si apostol Pablo diad saray Hebreon Kristiano nen inmunan siglo: “Itultuloy yo kamin ipikasi, ta matalek kami a malinis so konsiensia mi, unong a labay mi manbilay a matua ed amin a bengatla.”—Heb. 13:18.
Si Jesu-Kristo et maabig met ya alimbawa na inkamatua. Singa bilang, nen imbaga na Atagey a Saserdoten si Caifas: “Pansambaen ta ka ed arapan na mabilay a Dios ya ibagam ed sikami no kasin sika so Kristo ya Anak na Dios!” Impatua nen Jesus ya sikato so Mesias, anggano lapud satan et nayarin sikatoy akusaan na Sanhedrin ya managmudmora ed Dios tan nayarin manresulta ed pamatey ed sikato.—Mat. 26:63-67.
Sikatayo ey? Magmaliw tayo kasin matua diad saray situasyon ya diad pantila na daiset et nayarin walay napinabangan tayo?
NO AKIN YA MAIRAP SO MAGMALIW YA MATUA
Mairap so magmaliw ya matua diad sayan kaunoran iran agew ya dakel so totoon 2 Tim. 3:2) Lapud irap na bilay tan mairap so mananap na permanentin trabaho, dakel so magmamaliw ya aliwan matua. Iisipen da ya ayos labat so mantakew, mansaol, odino mibiang ed arum nin aliwan matuan kagagawa. Tua ya no say pantotongtongan la et kuarta, iisipen na dakel ya agla importante so pagmaliw ya matua. Anggan saray arum ya Kristiano et nagmaliw ya ontan tan aderal so maabig ya reputasyon da ed kongregasyon lapud ‘maagum a panaanap da na agmanepeg a nabang.’—1 Tim. 3:8; Tito 1:7.
“maaro ed sarili ra, maaro ed kuarta.” (Balet aaligen na dakdakel ya Kristiano si Jesus. Amta dan mas importante so pakawalaan na saray ugalin makapaliket ed Dios nen say dinanman ya kayamanan o pakagunggonaan. Kanian saray Kristianon kabataan et agmansasaol diad eskuelaan pian onatagey so grade da. (Pro. 20:23) Tua ya aliwan naynay ya walay kasalat na pagmaliw a matua a singa ed si Haykanush. Balet no matua ka, naliketan so Dios tan mansiansian malinis so konsiensiam, atan so talagan mabmabli.
Nanengneng itan ed alimbawa nen Gagik. Inkuan to: “Antis ak ya magmaliw ya Kristiano, mantratrabaho ak ed sakey a baleg ya kompanya ya say akanggawa et agmanbabayar na dugan buis. Melmelag labat a kabiangan na tubo na kompanya so irereport to. Lapud siak so manager, siak so iilaloan ya ‘miaregloan’ ed ahente na panagbuis, ya papasuksokan ko pian agto ireport so pansasaol na kompanya. Kanian kabkabat da ak ya aliwan matua. Nen naaralan koy katuaan, agko la labay ya gawaen itan, anggano atagey so sueldo. Imbes, nampaalagey ak lay sarilik ya negosyo. Tan manlapud unonan agew, inrehistrok so negosyok tan babayaran kon amin so buis ko.”—2 Cor. 8:21.
“Ngalngali kapaldua so abawas ed nanaalmok,” kuan nen Gagik, “kanian nairapan ak ya legpeten so pamilyak. Balet mas maliket ak natan. Malinis lay konsiensiak ed arapan nen Jehova. Nipapanengneng koy maong ya ehemplo ed duaran ananak ko, tan akaawat ak na saray pribilehyo ed kongregasyon. Natan et kabkabat ak la ya matua na saray manag-audit na buis tan arum ya nakakaibak ed negosyo.”
ONTULONG SI JEHOVA
Inaro nen Jehova iramay mamaparakep ed bangat to diad pangipapanengneng da na balibali iran kualidad to, singa say inkamatua. (Tito 2:10) Impaisulat tod si Arin David iyan panamaseguro: “Nensaman et ugaw ak ni tan natan et matatken ak la, balet anggapo ni anengneng kon matunong ya apaulyan, odino saray ananak to a mipapayabol na naakan.”—Sal. 37:25.
Tua itan ed naeksperiensya na matoor ya si Ruth. Agto tinaynan so maedad lan katulangan to ya si Noemi. Akilay Ruth diad Israel, ya diman et makapandayew ed tuan Dios. (Ruth 1:16, 17) Kasabi dad man, impanengneng nen Ruth ya sikatoy matua tan makuli, maanos ya mantutudtor base ed uksoyan na Ganggan. Singa ed apruebaan nen David, agpinaulyanan nen Jehova si Ruth tan Noemi ed saray nakaukolan da. (Ruth 2:2-18) Balet aliwa labat ya materyal ya pankaukolan so inter nen Jehova ed si Ruth. Sikatoy pinili to met ya panlapuan nen Arin David tan anggan say insipan ya Mesias!—Ruth 4:13-17; Mat. 1:5, 16.
Wala ray lingkor nen Jehova ya nayarin nanairapan ya maong ed panag-anap na pambilay. Imbes ya mananap iray mainomay balet aliwan matuan paraan, maseet tan makulikuli ran mankikimey. Kanian ipapanengneng dan mas importante ed sikara iray balibalin Pro. 12:24; Efe. 4:28.
kualidad na Dios, singa say inkamatua, nen say antokaman ya materyal a bengatla.—Singa si Ruth nensaman, ipapanengneng na saray Kristiano ed interon mundo so pananisia dad pakayari nen Jehova ya ontulong. Manmamatalek ira ed Dios ya oniay impromisa to: “Agta kan balot taynanan, tan agta kan balot paulyanan.” (Heb. 13:5) Aminpigapiga lan impanengneng nen Jehova ya sarag to, tan talagan tulongan to iray mankaukolan ya lingkor to ya matua ed amin a panaon. Naynay ton totooren so promisa ton itarya iray nakaukolan tayod bilay.—Mat. 6:33.
Nayarin mabmabli ed totoo iray diamante tan arum nin bengatla. Balet makaseguro tayo ya mas mabli ed Ama tayon walad tawen so pagmaliw tayon matua tan pangipanengneng ed arum ni ran kualidad to. On, mas mabli iratan nen say dinanman ya mablin bato!
No matua tayo, mansiansian malinis so konsiensia tayo tan walay pakpel tayon manpulong