Parad Saray Kalangweran

Say Impangiburi nen Pedro ed si Jesus

Saray Instruksion: Gawam iya ed pasen ya agka nadisturbo. Sano babasaen mo la iray teksto, ipasen mon aktual kan wadman ed saramay nagagawa. Ilitratom ed nonot mo so eksena. Kunwari et narerengel mo iray ibabaga ra. Liknam so nalilikna na saray manunan karakter.

TALOSAN A MAONG SO EKSENA.​—BASAEN SO MATEO 26:31-35, 69-75.

Pigaran totoo so naisip mon wadman ed eksena?

․․․․․

Antoy padesir mo ed saramay akitongtong ed si Pedro? mikakaaro ra kasi? manu-osyoso? mamapasnok? odino anto?

․․․․․

Diad isisip mo, anto kasi nalilikna nen Pedro sanen sikatoy aakusaen?

․․․․․

Akin ya imburi nen Pedro si Jesus? Kasin lapud agton talaga inaro odino wala ni arum a rason?

․․․․․

ARALEN SO KAARUMAN NIRAN IMPORMASYON.​—BASAEN SO LUCAS 22:31-34; MATEO 26:55-58; JUAN 21:9-17.

Nayari kasin say sakey a sengegan na inkalingo nen Pedro et say sobran kompiyansa to’d inkasi-kato? Akin ya ontan so ebat mo?

․․․․․

Panon ya impatnag nen Jesus a walay talek to’d si Pedro, anggaman amta ton diad arapen et nalingo si Pedro?

․․․․․

Anggaman imburi toy Jesus, diad anton paraan a nipanengneng nen Pedro a sikatoy mas makpel nen say arum a papatumbok?

․․․․․

Panon ya impatnag nen Jesus ya aperdona to lay Pedro?

․․․․․

Antoy iisipen mon sengegan no akin ya amitlon tinepetan nen Jesus si Pedro na, “Inaro mo ak?”

․․․․․

Anto kasi alikna nen Pedro kayari na impantongtong da nen Jesus, tan akin et ontan so alikna to?

․․․․․

IYAPLIKA SO NAARALAN MO. ISULAT NO ANTORAY NAARALAN MO NIPAAKAR ED  . . .

Takot ed too.

․․․․․

Panangabagey nen Jesus ed saray papatumbok to anggaman nalilingo ra.

․․․․․

Dinan so agusgustoan mo ed sayan salaysay na Biblia, tan akin?

․․․․․

․․․․․