Peteg a Kareenan tan Kaligenan—Kapigan?
Espisyal a Paliwawa
Peteg a Kareenan tan Kaligenan—Kapigan?
Diad loob na nilibo lan taon, pipirawaten na totoo so kareenan tan kaligenan. Balet agdan balot agamoran so tuan kareenan. Akin? Diad Biblia et walay duaran manunan rason no akin a mair-irap dan gamoran so kareenan. Nabasa met ditan iyan makapatenyeg-puson panamaseguro: Insipan na Dios so peteg tan permanentin kareenan tan kaligenan ed interon mundo.
Kapigan tan panon a nagawa iyan tuan kareenan tan kaligenan? Anto so kaukolan mon gawaen pian nagamoran mo irayan alay abig a kipapasen? Sarayan tepet so naebatan ed paliwawa a “Peteg a Kareenan tan Kaligenan—Kapigan?” Sayan paliwawa a nibase ed Biblia et nagawa ed interon mundo diad masulok a 230 a bansa. Diad dakel a pasen, nagawa iya ed saray Kingdom Hall na saray Tasi nen Jehova no Simba, Abril 18, 2010. Maliket iray Tasi ed lugar yo a mangipaamta ed oras tan address. Imbitado kayo ed sayan paliwawa.