3 Anggapoy Panangasi na Dios—Tua Kasi?
3 Anggapoy Panangasi na Dios—Tua Kasi?
No antoy ibabaga ra: “Anggapoy kasalanan a palalampasen na Dios, sisingilen to ray totoo panamegley na andi-anggaan a panusad sikara ed impierno.”
“Dudusaen na Dios iray makasalanan panamegley na kalamidad.”
No antoy ibabangat na Biblia: Ibabaga na 2 Pedro 3:9 ya si Jehova et “agto labay a naderal so siopaman noagta labay to a makapambabawi so amin.” Aliwan saray lingo tayo so iimanoen to noagta saray kamaongan tayo. “Saray mata nen Jehova ombatik dia tan diman ed amin a dalin, pian ompatnag a mabiskeg ya ontulong ed saray ayadyari puso ra a dapit ed sikato.”—2 Awaran 16:9.
Ag-ibabangat na Biblia so impierno. Kabkabusol ingen na Dios so anggan say pannonot ed satan. (Jeremias 7:31) Say sankagrabian lan dusa tod saray mauges et patey. (Roma 6:7) Tan saray kalamidad ya agmamipili deralen to et agnanlapud Dios noagta saratan et ag-iilaloan a nagawa.—Santiago 4:13, 14.
No panon a makatulong ed sika so pangamtad katuaan: Lalo itayon onapit ed Dios no bidbiren tayon sikatoy ‘akaparaan a mamerdona’ tan agbastabasta manhuhusga. (Salmo 86:5) Nepeg a manlingkor tayod Dios aliwan lapud pakakakonsiensia odino takot a nadusa. Noagta lapud dugan motibo, say panangaro ed si Jehova. Satan ya aro so mamakiwas ed sikatayo pian gawaey anggaay nayarian tayon sikatoy napaliket.—Mateo 22:36-38; 1 Juan 5:3.
Labay na Dios ya amin a too et manggaway duga, balet amta to ya agbalot gawaen itan na dakel. No agton balot dusaen iray agmagbabawin mauges, anggapo siri pidumaan tod sakey a manuley a manggagaway ganggan balet agto lanlamang ipapakana, ya aabuloyan toy ag-inkahustisya tan irap a mansiansia ed andi-angga. (Eclesiastes 8:11) Amta tayon aglawas konsintien na Dios so kaugsan kanian napapabiskeg so ilalo tayo ed arapen. Insipan na Dios ya ekalen to iramay itutultuloy day manggawa na mauges, pian nasumpal so linawa to ya nawalaan na andi-anggaan a bilay diad dalin iray “mauyamo.”—Salmo 37:10, 11, 29. *
[Paimano ed leksab]
^ par. 7 Pian dakel ni so naaralan nipaakar ed no panon ya gawaen na Dios a paraiso so dalin, nengnengen so kapitulo 3 tan 8 na libron Anto so Peteg ya Ibabangat na Biblia?
[Blurb ed pahina 6]
Labay kasi na Dios a sikatoy dayewen tayo lapud antakot tayoy nadusa?
[Picture Credit Line ed pahina 6]
Engravings by Doré
