Kasin Antam La?
Panon ya uusaren iray gilingan nensaman?
Uusaren iray mano-manon gilingan ya panggiling ed trigo pian magmaliw ya arinan gawaen ya tinapay. Diad amin lawarin abung et inagew-agew ya manguusar na gilingan iray bibii odino ariripen. Nensaman a panaon, inagew-agew ya narerengel iray gilingan.
Nanengneng ed saray akotkot ya drowing tan estatua nensaman ed Ehipto no panon itan ya uusaren. Ikakargay trigo ed ambelat tan pandukey a baton gilingan. Ontalimukor ed arap na satan imay manggiling tan bembenan toy mas melag a bato ya akatapew, insan to itelmer ya atras-abante pian natemek so trigo. Ibabaga na arum ya kaslakan et mambelat na 2 anggad 4 kilo so melag a bato. Kanian no usaren itan bilang armas, makapatey itan.
Importantid kada pamilya so panggiling na trigo pian walay naakan da, kanian isesebel na ganggan ed Biblia so pangalad satan bilang prenda. “Agyo nepeg a laen so gilingan odino samay walad tapew a bato na gilingan bilang garantiya ed utang, ta no alaen yo itan, aalaen yo so pambilay na sakey a too,” so kuan na Biblia.
Antoy labay ya ibaga na salitan “walad akwalan”?
Diad sakey a bersion na Biblia, abitlan si Jesus et “wala ed akwalan na Ama,” diad arum balet ya patalos et “walad pagew na Ama.” (Juan 1:18, Say Biblia; NWT, footnote) Ipapanengneng na saya ya maapit irad sakey tan sakey tan aabobonan na Dios si Jesus. Nanonotan tayod saya imay kustombre na saray Judio no mamangan.
Nen panaon nen Jesus, akapapeg ya onyuyurong iray Judio ed komportablen yurongan ya akapaliber ed lamisaan. Asingger ed lamisaan so ulo na saray mamangan tan arawi so sali ra, tan akapapeg ed kutson so kawigin siko ra. Diad sayan posisyon, makagalaw so kawanan a lima ra. Amin da et akapariking ed kawigi kanian oniay inkuan na sakey ya reperensya: “Say ulo na sakey et asingger ed pagew na walad benegan to, kanian nibagan sikatoy ‘walad pagew’ na kaabay to.”
Nensaman, ipapasen a baleg ya kagalangan o pribilehyo so makasaral ed pagew na manasangkaili odino ulo na pamilya. Kanian diad unor lan Paskua nen Jesus, samay “disipulo ya inar-aro nen Jesus,” si apostol Juan, so “walad pagew” nen Jesus. Nen nantepet si Juan ed si Jesus, sikato siri’ “sinmaral ed pagew” to.
Ompan Nagustoan Mo Met
SAY PANAG-BANTAYAN—PANARALAN YA EDISYON
Kasin Antam La?—Pebrero 2022
No mangasawa so sakey ya Israelita nensaman, akin et kaukolan toy mangiter na dasel ed pamilya na nobya to?
SAY PANAG-BANTAYAN—PANARALAN YA EDISYON
Kasin Antam La?—Pebrero 2022
Akin et inyabuloy nen Jehova ya makapanpili iray Israelita no kasin palekpek o malapati so iyapay da?
SAY PANAG-BANTAYAN—PANARALAN YA EDISYON
Kasin Antam La?—Marso 2020
Nilikud ed ibabaga na Biblia, anto ni ray ebidensya ya nagmaliw ya aripen ed Ehipto iray Israelita?
SAY PANAG-BANTAYAN—PANARALAN YA EDISYON
Kasin Antam La?—Nobyembre 2019
Antoy kimey na sakey a manag-asikaso diad panaon na Biblia?
SAY PANAG-BANTAYAN—PANARALAN YA EDISYON
Kasin Antam?—Abril 2019
Panon ya iplaplano na saray totoo nensaman so pambiahe ra ed dayat?
