Kanta 116
Lalon Onsisinag so Liwawa
1. Say nipaakar ed Kristoy inaral
Na saray propeta nensaman.
Impa’mtay espiritu ya onsabi
So Mesias a Manangilaban.
Say panuley na Mesias ginmapo la,
Presensya toy mabitar la.
Alay abig ya aralen iratan,
Anggan angheles pirawat da!
(KORO)
Say basbas tayo masmasnag la;
Mas lalon onliliwawa.
Niparungtal la ray bengatla
Ta Dios so mangigigiya.
2. Si Jehova’y anuro na aripen
Pian nitaryay taganon susto.
Say liwaway katuaan mas sinminag
Dia ed kanonotan tan puso.
Mas linminew so kakabatan tayo,
Manakar tayo’d kas’nagan.
Misalamat ed Dios tayon Jehova,
Say Subol na ami’ katuaan.
(KORO)
Say basbas tayo masmasnag la;
Mas lalon onliliwawa.
Niparungtal la ray bengatla
Ta Dios so mangigigiya.
(Nengnengen met so Roma 8:22; 1 Cor. 2:10; 1 Ped. 1:12.)
