1. Tinipon na Dios itayo

Ed pulok ton inad-aro.

Walaan ti’ kareenan

Tan pantutunosan.

Pabpablien tayo ’ya;

Tuan panliketan.

Diad serbisyo ed Panarian,

Say Anak toy mangiwanwan.

Matulok tayon mankimey,

Tan mankakasakey.

2. Balibali so liknaan,

No deen lawas a wadtan,

Tan amin manaaroan,

Kirayeway Dios ’tan.

Saksakey ti’d nonot,

Makapaliket.

No ipatnag so tuan aro,

Say deen na Dios iter To.

Mankakasakey ti’n lalo,

Manserbin maando.