1. Manpikasi’d Jehova’n Dios tayo.

Saya et baleg a pribilehyo.

Ibesngaw ed Dios so liknaan mo,

Mitongtong a singa diad kaaro.

Manpikasi a naynay.

2. Manpikasi, misalamat tayo,

Kerewen so panamerdona to.

Ipatua’d Dios iray kasalanan.

Amta to a makabos so laman.

Manpikasi a naynay.

3. Manpikasi no walay problemam.

Si Aman Jehova’y asinggeran.

Kerewey salimbeng tan tulong to;

Ag-ompapaga, panmatalkan mo.

Manpikasi a naynay.