1. Amin yon lingkor nen Jehova,

A sigpot-puso’d serbisyo,

Mibiang ed kimey na Anak to,

Tan manaral ed sikato.

Bini katuaan, isibwag tayo

Diad saray puson mabuna,

A manbunga parad kirayeway Dios.

On, sigpot a mibiang diad uma.

2. Arum a bini so nisibwag,

Ed singa baton kapusoan.

Anggan ontubo ra a tampol,

Nalenes ira lanlamang.

No salitay inamper na sabit,

Agum ontubo’d puso ra.

Ingen, say arum a bini ombaleg

Diad dalin a mabunabuna.

3. Tuan baleg so nagawaan mo

Pian ontalonay kimey mo.

Nalukasay pusoy totoo

Diad anos tan aro tayo.

Napakepa so kapagaan da,

Diad pakpel tan inkakalma.

Ilaloan mo sirin so panani,

Talomplo, nilasus a bunga.