Kanta 112
Si Jehova, Say Sankatagyan a Dios
1. Dios a Jehova, Sankatagyan ka,
Kanepegan moy galang,
Maaro ka’d kaptekan;
Manuuley ka’d inkahustisya;
Dios ka’d andi-anggaan.
2. Perdonaen mo ray kasalanan,
Ta Dios ka a makasi
Ed saray mapangasi.
Inkahustisyam tan panangarom,
Impatnag mo’d sikami.
3. Mankasakey la’d panangidayew
So amin a pinalsam
Pian ngaran moy nagalang.
Lapud Panariay manuuley la,
Nasumpal lay linawam.
(Nengnengen met so Deu. 32:4; Uli. 16:12; Mat. 6:10; Apo. 4:11.)