Mikareenan Diad Mundon Misasanok
I-download:
1. No manbiahe ak, sankanengneng ko—problemado so mundo.
Kanian dakel so mapaspasnok, labay day mikolkol.
Tan naisip koy bilin na Dios: ‘Mansiansian kalmado.
Tan anggan iner, manpikasi ka, ondeen so nonot mo.’
(KORO)
Tuan mairap so mikareenan diad mundon misasanok.
Balet no pansagpotan et nagawaan, lalo no balon mundo la!
2. Tan no onloob ak ed trabaho, balibali agew ko.
Insan walay nasyodotan, nasubok so anos ko.
Say abasak so sankanonot ko: ‘Totooy talosan.
Ta ompan walay agda ibabaga—baleg ya problema ra.’
(KORO)
Tuan mairap so mikareenan diad mundon misasanok.
Balet no pansagpotan et nagawaan, lalo no balon mundo la!
(BRIDGE)
Kanian agmainomay,
mareen ya panagbilay.
Balet say Dios, iter toy deen
pian say pusom so onligen.
3. No eskedyul la ya manpulong ak tan mensahe ibagak,
wala ray onkontra ed narengel da, manpasnok iran maong.
Tan malinlinew so Salitay Dios ya ‘tampol ya ontaynan.’
‘No agsungloran, apoy naerep tan sanok day onkepa.’
(KORO)
Tuan mairap so mikareenan diad mundon misasanok.
Balet no pansagpotan et nagawaan, lalo no balon mundo la!
(KORO)
Tuan mairap so mikareenan diad mundon misasanok.
Balet no pansagpotan et nagawaan, lalo no balon mundo la!
