MANTULTULOY A MANBANTAY!
2022: Taon ya Dakdakel so Aliwliwan Agawa—Antoy Ibabaga na Biblia?
Legan na 2022, say karga na balita et puro tungkol ed guerra, problema ed ekonomya, tan kalamidad. Balet say Biblia labat so talagan makapangipaliwawa no akin ya agawa iratan.
Say labay ya ibaga na saray agawa nen 2022
Lapud saray agawa ed apalabas ya taon, lalon apruebaan ya manbibilay tayo lad ibabaga na Biblia ya “kaunoran iran agew.” (2 Timoteo 3:1) Ginmapo itan ya panaon nen 1914. Imanoen no panon ya mipara ed impasakbay na Biblia iray agawa nen 2022:
“Saray Guerra.”—Mateo 24:6.
“Alikna Lamet na Europe so Makapataktakot ya Epekto na Guerra nen 2022.” a
Nengnengen so artikulon “Inataki na Russia so Ukraine.”
“Eras.”—Mateo 24:7.
“2022: Say Taon na Graben Eras.” b
Nengnengen so artikulon “Papalooren na Guerra ed Ukraine so Eras ed Interon Mundo.”
“Salot.”—Lucas 21:11.
“Ipapanengneng na impawil na polio, indakel na kaso na monkeypox tan tuloytuloy nin idarakel na nanaalisan na COVID-19, ya talagan delikado iray makaalis ya sakit tan anggapoy nagawaan na too.” c
Nengnengen so artikulon “6 Milyon so Inatey ed COVID.”
“Wala ray makapataktakot a nanengneng.”—Lucas 21:11.
“Wala ray agawan heatwave, kelang, wildfire, tan delap. Agnalingwanan so summer na taon 2022 lapud graben petang. Nilibo so inatey tan minilyon ya totoo diad interon mundo so tinmaynan ed ayaman da lapud saratan.” d
Nengnengen so artikulon “Saray Sankapetangan Lan Temperatura ed Interon Mundo.”
“Saray gulo.”—Lucas 21:9.
“Ampetang so ulo na dakel lapud irap na bilay, tan lapud binmilin maong iray sasaliwen, kanian dakdakel iray namprotesta ed gobierno nen 2022.” e
Nengnengen so artikulon “Ombibili Iray Sasaliwen ed Interon Mundo.”
Anto kasi nagawa ed onsublay ya taon?
Anggapoy makapangibaga no antoy eksakton nagawa no 2023. Balet amta tayo ya asingsingger lan onaksion so Panarian na Dios, odino say gobierno ed tawen, pian manggaway baleg ya pananguman diad interon dalin. (Daniel 2:44) Ekalen na satan so panlalapuan na paniirap na totoo tan seguroen ton nasumpal so linawa Dios diad dalin.—Mateo 6:9, 10.
Komon ta tumboken yoy bilin nen Jesu-Kristo ya “mantultuloy ya manbantay” ed no panon ya susumpalen na saray nagagawad mundo natan iray propesiya na Biblia. (Marcos 13:37) Kontak yo kami pian naamtaan yo no panon kayon natulongan na Biblia natan tan no panon kayon nawalaan na tuan ilalo ed arapen.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Ompan Nagustoan Mo Met
EBAT ED SARAY TEPET ED BIBLIA
Anto so Tanda na “Kaunoran Iran Agew,” odino “Panaon na Anggaan”?
Impasakbay na Biblia iray dakel ya manbabansag ya nagawa ya pakapatnagan na kaunoran iran agew.
SAY PANAG-BANTAYAN
Ekalen La na Dios so Amin ya Paniirap
Panon tayon naamtaan ya magano lan onkiwas so Dios pian panampoten so amin ya paniirap tan ag-inkahustisya?
ESSENTIAL BIBLE TEACHINGS
Anto so Panarian na Dios?
Legan na ministeryo nen Jesus, say manunan topic ya imbangat to et say Panarian na Dios. Nilasus taon lan ipipikasi na saray papatumbok to ya onsabi la komon itan ya Panarian.
Manunan Bangat na Biblia—Video
Ginmapon Nanuley so Panarian na Dios nen 1914
Masulok lan 2,600 taon so apalabas nen impakugip na Dios so sakey a propesiya ed sakey ya makapanyarin ari, tan natan et nagagawa la itan.
NIPAAKAR ED SIKAMI
Man-request na Ombisita ed Sika
Pantongtongan so tepet mo nipaakar ed Biblia, odino amtaen ni kaaruman ya impormasyon nipaakar ed Saray Tasi nen Jehova.
