Kagapo na 2023, iilaloan tayon amin ya maong komon so nagawad sikatayo tan ed saray pamilya tayo. Panon tayon nibaga ya maong so nagawad arapen?

 Nabasad Biblia so maong a balita ya temporaryo labat iray probleman aarapen tayo natan tan asingsingger lan naekal iratan. Diad tua, say Biblia et “insulat pian nibangat itayo, pian . . . diad ligliwa a manlalapud Kasulatan et nawalaan itayo na ilalo.”—Roma 15:4.

•   Pian naamtaan mo ni ray arum ya promisa na Biblia, basaen so artikulon “Makakaasa Ka sa Isang Magandang Kinabukasan.”

 Say Biblia et singa “angkla na bilay tayo.” (Hebreo 6:19, paimanod leksab) Makatulong so ilalo pian ag-itayo niyanor-anor na saray problema. Lapud ilalo, nasarag tayo ray problema tayo natan, makapansiansia tayon positibo, tan agnaandi so liket tayo. Singa bilang:

•   Amtaen no panon ya akatulong ed sakey a laki so ilalon manlalapud Biblia pian nalabanan toy inkaadik to. Bantayan so video ya Sinmawa Ak La ed Bilay Ko.

•   Nengnengen no panon ya makatulong ed sikatayo so ilalon manlalapud Biblia no naandi so inaro tayod bilay. Bantayan so video ya Ligliwa Parad Saray Inateyan.

 Iilaloan na dakel ya totoo ya maong komon so nagawa, balet ag-ira segurado no panon ya ontua iray iilaloan da. Duma balet iray promisa na Biblia. Akin ey? Lapud saray promisa na Biblia et nanlapu ya mismo ed si Jehova a Dios, a “ya agto nayarian so mantila.” (Tito 1:2) Si Jehova labat so walaan na pakayarin sumpalen so amin ya impromisa to; sarag ton gawaen “so amin a panliliketan ton gawaen.”—Salmo 135:5, 6.

 Labay mi kan minabang ed napanmatalkan ya ilalon manlalapu ed Biblia. Makapantiwala ka ed satan no ‘maalwar mon usisaen so Kasulatan.’ (Gawa 17:11) Salim so libren panag-aral na Biblia ya walay manbangat ed sika. Igapom so 2023 ya napnoy ilalo!