Manggagawa met na paraan iray lider na gobierno tan nanduruman organisasyon pian anggapoy guerra. Pero kayari World War II, wala nin siansia ray guerra. Dakdakel laingen so apektado.

 Akin balet et agnapatunda na totoo so guerra? Antoy ibabaga na Biblia?

1.  1. Lapud makapuy ya ugali totoo, naiirapan iran patundaen so guerra. Diad tua, akasulat la ed Biblia ya diad panaon tayo, “saray totoo et magmaliw a maaro ed sarili ra, maaro ed kuarta, mapasirayew, mapaatagey, . . . aliwa ran matoor, . . . agda labay so mipaknaan, . . . anggapoy kontrol da ed sarili ra, masesebeg ira, . . . anawet so ulo ra.”​—2 Timoteo 3:2-4.

2.  2. Anggano antoy gawaen na totoo, agdan talaga nasolusyonan iray problema da no anggapoy tulong na Amalsa, si Jehova. a Ibabaga na Biblia ya “agkanepegan na too ya igiya so dilin kupbang to.”​—Jeremias 10:23.

3.  3. Iimpluensyaan nen Satanas a Diablo so interon mundo. (Apocalipsis 12:9) Lapud ‘say interon mundo et walad pakayari na sayan mauges ya espiritu,’ walan-wala ray guerra tan gulo.​—1 Juan 5:19.

 Base ed Biblia, say Dios labat, aliwan saray totoo.

•   “‘Ta amtak iray bengatlan nononoten ko parad sikayo,’ so imbaga nen Jehova, ‘say kareenan, tan aliwan say kadederal, pian ikdan ta kayoy maong ya arapen tan ilalo.’”​—Jeremias 29:11.

 Tooren na Dios itan ya imbaga to. Panon to tan ya gawaen ey? “Mekmeken [odino deralen to] si Satanas.” (Roma 16:20) Pian ondeen so mundo, usaren nen Jehova so “Panarian to,” atan may gobierno to ed tawen. (Lucas 4:43) Si Jesu-Kristo ya anak to so Ari ed satan ya panarian, tan ibangat to ray totoo ya manbilay a mareen.​—Isaias 9:6, 7.

•   Basam met so artikulo ya “Ano ang Gagawin ng Kaharian ng Diyos?” ta wala ni ra ditay makatulong ed sika.