Ibabaga na Catholic News Service ya legan na sakey ya seremonya diad St. Peter’s Basilica nen Marso 25, 2022, inmalagey si Pope Francis ed arap na imahen nen Maria, “akalikdem tan akatuek legan ya marendeen ya mandadasal.” “Akikasi ed si Maria” parad kareenan. Inyarum ni na report ed Vatican News ya “indasal na Papa ya pasantoen komon na Immaculate Heart of Mary so amin ya totoo lalo la ray walad Russia tan Ukraine.”

 Antoy nibagam? Duga kasi manpikasi o mandasal ed saray imahen odino usaren iratan ed panagdayew? Imanoen irayan bersikulo na Biblia:

•   “Agka manggagawa na imahen mo odino sakey a bengatlan kaparpara na antokaman a walad tawen odino ed dalin odino ed karanuman ed dalin. Agka ondadakmomo odino naayat a manlingkor ed saratan, ta siak, si Jehova a Dios mo, et sakey a Dios a kakaukolanen ton sikato labat so dayewen.”—Exodo 20:4, 5. a

•   “Saray imahen na dirios da et gawad pilak tan balitok, a ginawa na saray lima na too. Walay sangi ra, balet ag-ira makasalita; walay mata ra, balet ag-ira makanengneng; walay layag da, balet ag-ira makarengel; walay eleng da, balet ag-ira makaangob; walay lima ra, balet ag-ira makaegna; walay sali ra, balet ag-ira makaakar; anggapoy ompapaway a boses ed kulokulong da. Saray totoon manggagawad sikara et magmaliw a singa sikara, pati say amin a manmamatalek ed sikara.”—Salmo 115:4-8.

•   “Siak si Jehova. Saya so ngaran ko; agko iyapag so gloriak ed anggan siopa, odino say dayew ko ed saray imahen.”—Isaias 42:8, paimanod leksab.

•   “Ibatikan yo so idolatriya.”—1 Corinto 10:14.

•   “Arawian yo ray idolo.”—1 Juan 5:21.

 Parad kaaruman ya impormasyon no antoy ibabaga na Biblia nipaakar ed pangusar na imahen ed panagdayew, basaen so artikulon “Say Ebat na Biblia—Imahen” odino bantayan so video ya Labay Kasi na Dios ya Mangusar Tayo na Imahen Diad Panagdayew Tayo?

 Ompan labay mo met ya naamtaan so ibabaga na Biblia ed sarayan topic:

•   “Birhen Maria​—Anto so Ibabaga na Biblia ed Sikato”

•   “Dapat Ka Bang Manalangin kay Birheng Maria?”

•   “Mga Himala at Aparisyon—Tanda Buhat sa Diyos?”

•   “Kapayapaan sa Lupa—Paano?”

Photo credit: Vincenzo Pinto/AFP via Getty Images