Sean Gladwell/Moment via Getty Images
MANTULTULOY A MANBANTAY!
Masulok ya 2 Trilyon U.S. Dollar so Agastos Parad Military ed Interon Mundo—Antoy Ibabaga na Biblia?
Nen 2022, say agastos parad military ed interon mundo et inmabot ed 2.24 trilyon U.S. dollar, tan aya lay sankatageyan. Maslak et lapud samay pigi-guerra na Russia ed Ukraine. Base ed sakey ya report nen Abril 2023 na Stockholm International Peace Research Institute (SIPRI), legan na 2022:
Say gastos na Europe parad military et “inmatagey na 13 percent, tan aya lay sankabalegan ya gastos ed sakey taon diad Europe manlapu nen 1991.”
“Say Russia...et tinmagey na manga 9.2 percent so agastos to. Dati et komalima ed sankatageyan na gastos ed interon mundo, balet natan et komatlo la.”
Say United States nin siansia so sankabalegan na gagastosen parad military. “Diad amin ya gastos parad military ed interon mundo, 39 percent ed satan so agastos to.”
“Say tuloytuloy ya iyaatagey na gagastosen parad military ed interon mundo diad agano ni ran taon et pakapatnagan ya anggapoy seguridad tayo ed sayan mundo,” so imbaga nen Dr. Nan Tian, kaiban author na SIPRI report.
Impasakbay na Biblia ya manlalaban iray mabibiskeg ya bansa, tan ipapaamta na satan no antoy saksakey ya makapangiter na kareenan.
Nipasakbay ya wala ray nagawan guerra
Ibabaga na Biblia ya manbibilay tayo lad “panaon na anggaan.”—Daniel 8:19.
Imbaga na libro na Daniel ya diad satan ya panaon, mankokompetensiaan iray mabibiskeg ya bansa. Sikaray “mantulakan” odino mansasamsaman na pakayari. Lapud satan et usaren day dakdakel ya “kayamanan,” odino pundo ra, parad piguerra.—Daniel 11:40, 42, 43.
No labay mo nin naamtaan so nipaakar ed sayan propesiya na Biblia, bantayan so video ya Asumpal ya Propesiya—Daniel Kapitulo 11.
No panon ya niwala so tuan kareenan
Ibabaga na Biblia ya salatan na Dios iray gobierno na too. Sikatoy “mangiletneg na panarian ya agbalot naderal. Tan sayan panarian et agniiter ed anggan siopan totoo. Buyaken tan panganggaen to irayan amin a panarian, tan saya labat so mansiansia ed andi-anggaan.”—Daniel 2:44.
Asingsingger lan gawaen nen Jehova a a Dios imay agnasarag ya gawaen na totoo—say pangiter na tua tan agmanganggan kareenan. Panon? Paandien na Panarian, say gobierno to ed tawen, so amin ya armas ed guerra tan panampoten toy amin ya kaugsan.—Salmo 46:8, 9.
No labay mo nin naamtaan no antoy gawaen na Panarian na Dios, basaen so artikulon “‘Inerman a Pasen et Walay Kareenan’ Diad Uley na Panarian na Dios.”
a Jehova so ngaran na Dios.—Salmo 83:18.
Ompan Nagustoan Mo Met
ESSENTIAL BIBLE TEACHINGS
Anto so Panarian na Dios?
Legan na ministeryo nen Jesus, say manunan topic ya imbangat to et say Panarian na Dios. Nilasus taon lan ipipikasi na saray papatumbok to ya onsabi la komon itan ya Panarian.
Manunan Bangat na Biblia—Video
Ginmapon Nanuley so Panarian na Dios nen 1914
Masulok lan 2,600 taon so apalabas nen impakugip na Dios so sakey a propesiya ed sakey ya makapanyarin ari, tan natan et nagagawa la itan.
SAY PANAG-BANTAYAN
Asingger Lay Mas Marakep a Mundo
Mangiiter ed sikatayo na ilalo iray promisa na Biblia ya nipaliwawa ed sayan isyu na Say Panag-bantayan.
BANGAT NA BIBLIA
Salien so Panag-aral na Biblia
Salien so libre ya interactive ya panag-aral na Biblia ya walay personal ya manbangat ed sika.
