“Apektadon maong iray totoo, syudad, tan amin ya mabilay ya bengatla lapud climate change. No wala ray bagyo, makmaksil iratan kanian nadederal iray kaabungan, tan apektadoy anapan na totoo diad interon mundo. Ompepetang iray dayat kanian dakel ya mabilay a bengatla ditan so posiblin ompatey.”​—Inger Andersen, under-secretary-general na United Nations tan executive director na UN Environment Programme, Hulyo 25, 2023.

 Sarag kasi na saray gobierno so mankakasakey pian nasolusyonan irayan problema ed interon mundo? Wala kasi niiter dan permanentin solusyon?

 Ibabangat na Biblia ya walay sakey ya gobierno ya sarasarag tan talagan solusyonan toy amin ya problema ed kalikasan. Nabasa ditan ya “say Dios na tawen et mangiletneg na panarian.” (Daniel 2:44) Sakey itan ya gobierno ya manuley ed interon dalin tan ekalen to so amin ya problema. Diad satan ya gobierno, “anggapo lay gawaen [na totoo ya] makapasakit odino makaderal” ed arum tan ed planetan Dalin.​—Isaias 11:9.