Kasin Obligado Ak ya Magmaliw ya Tasi nen Jehova no Manpaiyaral Ak na Biblia ed Sikara?
Andi, agka obligado. Milyon-milyon so iyaaralan mi na Biblia ya agmagmamaliw ya Tasi nen Jehova. a Say gagala na pangiyaaral mi et pian naamtaan na totoo so ibabangat na Biblia. Walad sika no antoy gawaen mo ed nanaaralan mo. Amta mi ya personal a desisyon so pandayew ed Dios.—Josue 24:15.
Sarag kon usaren so sarilik ya Biblia no iyaralan yo ak?
On. Anggano labalabay min usaren so modernon bersion ya Balon Mundo a Patalos na Masanton Kasulatan tan nayari mi kan ikdan na libren kopya no labay mo, ayos labat ya usaren moy sarilim ya Biblia. Naaralan moy mensahe na Biblia tungkol ed ilalo tan kililiktar diad anggan anton patalos.
Akin ya iyaaralan yo ray totoon agmet lanlamang mimila ed relihyon yo?
Say manunan rason mi et say panangaro mid si Jehova a Dios. Labay ton ibangat na saray Kristiano iray nanaaralan da. (Mateo 22:37, 38; 28:19, 20) Kanian parad sikami et kagalangan so magmaliw ya ‘kakimeyan na Dios’ pian natulongan mi iray totoon naaralan da so ibabangat na Salita to.—1 Corinto 3:6-9.
Gagawaen mi met iya lapud panangaro mid kaparan too. (Mateo 22:39) Naliliketan kami no inanabang mid arum iray balibalin nanaaralan mi.—Gawa 20:35.
a Pian naamtaan moy karakel na iyaaralan mi, nen 2023 et walay 7,281,212 ya panangiyaral na Biblia ya inkondukta mi kada bulan, tan dakel ed saratan et pigapigaran totoo ed sakey a sesyon. Balet 269,517 labat so abautismoan ya Tasi nen Jehova ed satan ya taon.
Ompan Nagustoan Mo Met
MABETBET YA ITETEPET
Antoy Papanisiaan na Saray Tasi nen Jehova?
Amtaen so 15 ed saray manunan papanisiaan mi.
NIPAAKAR ED SIKAMI
Antoy Gagawaen Sano Manaaral na Biblia?
Diad interon mundo, kabkabat iray Tasi nen Jehova lapud iyoopresi dan libren panagaral na Biblia. Nengnengen no panon itan ya gagawaen.
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
BANGAT NA BIBLIA
Salien so Panag-aral na Biblia
Salien so libre ya interactive ya panag-aral na Biblia ya walay personal ya manbangat ed sika.