Kasin Protestante Iray Tasi nen Jehova?
Andi. Kristiano kami ran Tasi nen Jehova, balet aliwa kamin Protestante. Akin?
Saray Protestante et “grupo na relihyoson totoo ya onkokontrad Romano Katoliko. Anggano agkami miabobon ed bangat na Katoliko, aliwa kamin Protestante. Nia ray pigaran rason:
Saray arum ya papanisiaan na Protestante et mikontraan ed bangat na Biblia. Singa bilang, ibabangat na Biblia ya ‘saksakey so Dios,’ aliwan Trinidad. (1 Timoteo 2:5; Juan 14:28) Tan malinew ya ibabangat na satan ya say dusa na Dios ed saray mauges et permanentin kaderal aliwan pamairap ed impierno.—Salmo 37:9; 2 Tesalonica 1:9.
Agkami manproprotesta ed Katolikon Simbaan odino ed arum a relihyon. Agmi met iratan sasalien ya umanen. Imbes, ipupulong mi labat so maong a balita na Panarian na Dios, tan gagawaen mi anggaay nayarian min tulongan so arum ya manisiad satan. (Mateo 24:14; 28:19, 20) Agkami interesadon umanen so arum a relihyon, noagta labay min ibangat iray sinseron totoo nipaakar ed Dios tan ed Salita to.—Colosas 1:9, 10; 2 Timoteo 2:24, 25.
Ompan Nagustoan Mo Met
MABETBET YA ITETEPET
Kasin Kristiano Iray Tasi nen Jehova?
Amtaen iray rason no akin ya Kristiano kami, tan say pidumaan mid arum ya grupo na relihyon a tatawagen met ya Kristiano.
EBAT ED SARAY TEPET ED BIBLIA
Parepareho Kasi so Amin ya Relihyon? Awaten Iran Amin Kasi na Dios?
Walay duaran kategorya ya tinukoy na Biblia ya mangebat ed satan.
ESSENTIAL BIBLE TEACHINGS
Kasin Aawaten na Dios so Amin ya Relihyon?
Panisiaan na dakel ya ag-importante no antoy relihyon mo.
NIPAAKAR ED SIKAMI
Onatendi ed Aral
Amtaen no anto ray nagagawad aral mi. Mananap na pantitipon o aral ya asingger ed sikayo.