Nayari Kasin Onekal so Sakey Bilang Tasi nen Jehova?
On. Sarag na sakey so onekal ed organisasyon mi diad duaran paraan:
Panamegley na pormal ya pan-request to. Nayarin ibaga odino manggaway sulat so sakey pian ipaamta so desisyon to ya agto la labay so magmaliw a sakey ed Saray Tasi nen Jehova.
Panamegley na saray gagawaen to. Nayarin say sakey et manggawa na bengatlan mangipapanengneng ya agto la labay so magmaliw ya sakey ed Saray Tasi nen Jehova. (1 Pedro 5:9) Singa bilang, nayarin akimembro la ed arum ya relihyon tan ipapatnag ton labay toy mansiansia ed satan ya relihyon.—1 Juan 2:19.
Panon to balet no say sakey et agla manpupulong odino agla onaatendi ed saray pantitipon yo? Kasin ipasen yon inmekal lan Tasi?
Andi. Say sakey ya inmekal, odino sinmian ed organisasyon et duma ed sakey ya onkakapuy so pananisia to. Kaslakan, saramay onkakapuy so pananisia ra odino tinmunda ed pandadayew da diad loob na pigaran bulan o taon et agda ni imbeneg so pananisia ra noagta nadidismaya labat ira. Kanian imbes ya paliisan mi ira, gagawaen mi anggaay nayarian min tulongan tan pasesegen ira. (1 Tesalonica 5:14; Judas 22) No onkerew na tulong so sakey, idaulo na saray elder ed kongregasyon so pangiter na espiritual ya tulong.—Galacia 6:1; 1 Pedro 5:1-3.
Balet, ag-inikdan na autoridad iray elder ya pasooten odino desdesen so siopaman pian mansiansia bilang sakey ed Saray Tasi nen Jehova. Kada sakey so mandesisyon no antoy pilien to ya relihyon. (Josue 24:15) Manisia kami ya saramay mandadayew ed Dios et nepeg ya gawaen da itan ya mabulos, tan manlapud puso.—Salmo 110:3; Mateo 22:37.
Ompan Nagustoan Mo Met
INTRODUKSION PARAD MINISTERYO
Saray Tasi nen Jehova—Siopa Kami?
Labay ya naamtaan na dakel ya totoo no siopa ray Tasi nen Jehova. Amtaen itan manlapu mismo ed sikara.
MABETBET YA ITETEPET
Kasin Papaliisan na Saray Tasi nen Jehova Iray Datin Kabiangan na Relihyon Da?
No maminsan, kaukolan so pangekal pian natulongan a makapawil so sakey ya akagaway seryoson kasalanan ed kongregasyon.
EBAT ED SARAY TEPET ED BIBLIA
Kasin Kaukolan Tayoy Magmaliw a Kabiangan na Sakey ya Relihyon?
Kasin sarag moy mandayew ed Dios diad sarilim labat?
MABETBET YA ITETEPET
Kasin Obligado Ak ya Magmaliw ya Tasi nen Jehova no Manpaiyaral Ak na Biblia ed Sikara?
Libren iyaaral na saray Tasi nen Jehova so Biblia diad milyon-milyon ya totoo ed interon mundo. Balet no manpaiyaral kad sikami, obligado ka kasin magmaliw ya Tasi nen Jehova?
NIPAAKAR ED SIKAMI
Onatendi ed Aral
Amtaen no anto ray nagagawad aral mi. Mananap na pantitipon o aral ya asingger ed sikayo.