Saramay abautismoan ya Tasi nen Jehova balet ta agla manpupulong, odino agla miuulop ed sikami et agmi papaliisan. Diad tua, aanapen tan tutulongan mi ran ombiskeg lamet ed espiritual.

 Ag-automatikon naekal so sakey ya akagawa na seryoson kasalanan. Balet, no say sakey ya bautismadon Tasi et lanang lan onsusumlang ed ganggan na Biblia tan agmanguuman, sikatoy kaukolan ya paliisan odino ekalen. Oniay ibabaga na Biblia: “Ekal yo ed limog yo so mauges a too.”—1 Corinto 5:13.

 Panon to balet no Tasi ni asawa tan ananak na samay inekal a Tasi nen Jehova? Agda la nitongtong ed sikato so nipaakar ed Biblia, balet mansiansia so relasyon da bilang pamilya. Agnaekal so aroan tan ulopan da bilang pamilya.

 Saray nakal ya Tasi et sarag day onatendid saray aral mi. No labay da et sarag da met so makaawat na espiritual a simbawa ed saray elder na kongregasyon. Say gagala et pian natulongan imay nakal a nagawaan to lamet iray kualipikasyon na sakey a Tasi nen Jehova. Saray indibidual ya angitunda lad mauges a gagawaen da tan mangipapanengneng a talagan labay day manbilay unong ed prinsipyo na Biblia et nayarin magmaliw lamet a Tasi nen Jehova.