Pan-tour ed Bethel
Maliket mi kayon imbitaan ya man-tour ed saray branch office mi, ya kabkabat ed tawag ya Bethel. Say arum ya branch mi et wala ray self-guided ya exhibit.
Nayari lay Man-tour: Diad dakel ya bansa, nayari lay man-tour ed saray branch office mi no Hunyo 1, 2023. Parad saray detalye, kontaken so branch ya labay yon bisitaen. Ipangasin agkayo oonlan man-tour no positibo kayo ed COVID-19, walay panateng yo odino sintomas na trangkaso, odino walay akalimog yon positibo ed COVID-19.
Brazil
Impormasyon Parad Pan-tour
Saray Exhibit
Say Biblia—Say Libro tan Say Autor To. Papagalangan na sayan exhibit so Autor na Biblia, si Jehova a Dios, tan idadanet na satan so manunan tema na Biblia: say Panarian na Dios. Nanengneng na saray bisita no panon ya aprotektaan so Biblia manlapu la nensaman ya anggad panaon tayo natan, tan no panon ya impreserba nen Jehova so orihinal ya mensahe na Biblia anggano sinalin umanen itan na saray onkokontra.
Exhibit Nipaakar ed History. Ipapanengneng na sayan exhibit so impamendisyon nen Jehova ed kimey a panagpulong na Panarian ed Brazil diad masulok ya 120 taon. Nanengneng na saray bisita so agano nin impan-research ed history ya akalmoan na balon impormasyon nipaakar ed inggapo tan inyaligwas na kimey ed Brazil anggano wala ray kinmontra tan pinairap da ray Tasi.
Address tan Numero na Telepono