Rerespetoen na relihyoson organisasyon na Saray Tasi nen Jehova ed interon mundo (“relihyoson organisasyon”) so kanepegan na totoo ed privacy tan proteksion na personal ya data. Bibidbiren na relihyoson organisasyon mi ya kaukolan so lukas tan prangkan komunikasyon tan kaukolan so pankolekta na personal tan sensitibo iran personal ya data pian naasikaso iray pankaukolan na kada membro na Saray Tasi nen Jehova tan pian nagawaan iray relihyoson aktibidad mi tan say itutulong mid totoo, pati say pankaukolan ya pansiansiaen ya kompidensyal iray impormasyon tan naseguro ya saratan et naprotektaan. (Proverbio 15:22; 25:9) Importantin maong ed sikami ya pansiansiaen ya kompidensyal iray impormasyon.—Proverbio 20:19.

Diad nanduruman bansa et wala ray ley ed proteksion na data pian naprotektaan so kanepegan na totoo ed privacy. Abayag lan rerespetoen na relihyoson organisasyon mi, pati saray branch office, iray kanepegan ed privacy tan pansiasiansiaen min kompidensyal iray impormasyon, antis nin agawa iray ley ed proteksion na data. Itultuloy na relihyoson organisasyon mi so abayag lan gagawaen ya pamproprotekta ed saray iiter ed sikamin impormasyon.

Saray Prinsipyo Parad Proteksion na Data. Amin ya personal ya data ya naaawat na relihyoson organisasyon mi et aasikasoen base ed sarayan prinsipyo:

1. Saray personal ya data et iproproseso diad patas a paraan tan unong ed ley.

2. Saray personal ya data et kolektaen, iproseso, tan usaren labat no kaukolan pian nagawaan na relihyoson organisasyon mi iray relihyoson aktibidad mi tan say itutulong mid totoo.

3. Saray personal ya data et susto tan updated. No naamtaan na relihyoson organisasyon mi ya walay antokaman ya lingo, i-correct mi itan a tampol.

4. Saray personal ya data et pansiansiaen anggad kaukolan parad (saray) importantin gagala na relihyoson organisasyon.

5. Ipanengneng mi so konsiderasyon bilang respeto ed kanepegan na saray angiter na personal ya data.

6. Wala ray gawaen diad teknikal tan diad organisasyon pian napaliisan so ag-autorisado o ilegal ya pangipaamta ed personal ya data. Amin ya computer ya walay aka-save ya personal ya data et inikdan na password ya saray autorisadon user labat so makaamta ed saratan ya password. Saray opisina et ila-lock kayari oras na trabaho tan saray autorisado labat so makaloob.

7. Ag-isend iray personal ya data ed arum ya branch puera labat no kaukolan itan pian nagawaan iray aktibidad na relihyoson organisasyon mi odino say itutulong mi ed saray totoo. Amin ya Tasi nen Jehova et inmabuloy ed satan lapud bulos tan boluntaryon desisyon da ya magmaliw ya Tasi nen Jehova tan labay day nabidbir bilang Tasi nen Jehova.

Sarayan prinsipyo parad proteksion na data so basiyan na pangusar ed personal ya data tan nabasa irayan prinsipyo ed libron Organisadon Manggawa na Linawa nen Jehova, ya inter ed amin ya Tasi nen Jehova nen nagmaliw iran publisher. Parad kaaruman ya impormasyon, nengnengen so libron Organisadon Manggawa na Linawa nen Jehova.

Iiter mi so kanepegan na indibidual parad proteksion na personal ya data tan sensitibo iran personal ya data tan say pangi-correct o pangi-delete ed saray personal tan sensitibo iran personal ya data unong ed gagawaen na Saray Tasi nen Jehova ya nabasad Sankamundoan ya Totontonen ed Panangusar na Personal ya Data diad heading ya Saray Kanepegan Mo.

Say nabasad tagey ya Sankamundoan ya Totontonen na Saray Tasi nen Jehova Parad Proteksion na Data so basiyan no panon ya uusaren na Saray Tasi nen Jehova ed interon mundo so personal ya data.