LES 12
Kico Por Yuda Bo Sigui Studia Bijbel a Pesar di Dificultad?
Bo por saca hopi beneficio for di bo curso di Bijbel. Pero no ta semper facil pa sigui studia Bijbel. Tin biaha, bo por hasta duda si bo por sigui cu bo curso di Bijbel. A pesar di esey, dicon ta bale la pena pa sigui cu bo curso di Bijbel? Kico lo por yuda bo haci esey a pesar di dificultad?
1. Dicon ta importante pa bo studia Bijbel?
“E palabra di Dios ta bibo y poderoso.” (Hebreonan 4:12) Bijbel ta un buki importante, pasobra den dje bo ta haya sa con Dios ta pensa y cuanto e ta stima bo. Bijbel por siña bo hopi cos. Ademas, Bijbel por duna bo speransa pa futuro. Mas importante ainda, Bijbel por yuda bo bira amigo di Jehova. Si, ora bo ta studia Bijbel, lo bo por hiba un mihor bida.
2. Dicon ta importante pa bo balora e berdadnan cu tin den Bijbel?
E berdadnan cu tin den Bijbel ta manera tesoronan masha precioso. Pesey, Bijbel ta anima nos pa ‘cumpra berdad, y no bend’e.’ (Proverbionan 23:23) Ora nos keda corda con valioso e berdadnan di Bijbel ta, nos lo sigui haci esfuerso pa studia Bijbel hasta ora nos enfrenta dificultad.—Lesa Proverbionan 2:4, 5.
3. Con Jehova por yuda bo sigui studia Bijbel?
Jehova ta bo Creador y Amigo. Pesey, e kier pa bo siña conoc’e. Como cu Jehova ta Todopoderoso, e por duna bo “tanto e deseo como e poder pa haci tur loke ta agrad’e.” (Lesa Filipensenan 2:13.) Pues, Jehova por duna bo e motivacion cu bo tin mester pa sigui studia y e por yuda bo aplica loke bo ta siñando. Ademas, Jehova por duna bo forsa pa vence cualkier obstaculo of pa enfrenta cualkier oposicion. No keda sin pidi Jehova den oracion pa yuda bo sigui studia Bijbel.—1 Tesalonicensenan 5:17.
KICO MAS NOS POR SIÑA?
Laga nos wak con bo por sigui cu bo curso di Bijbel a pesar di oposicion of un programa yen. Ademas, wak con Jehova por yuda bo sigui studia Bijbel.
4. Duna bo curso di Bijbel prioridad
Tin biaha, bo por ta asina druk cu ta parce cu bo no tin suficiente tempo pa studia Bijbel. Kico por yuda bo? Lesa Filipensenan 1:10. Despues, analisa e siguiente preguntanan:
-
Segun bo, kico ta “e cosnan mas importante” den bida?
-
Con bo por mustra cu bo curso di Bijbel ta un prioridad?
-
Si bo yena santo den un hemchi y despues purba di hinca piedra den dje, tur e piedranan lo no por bay den e hemchi
-
Si bo pone e piedranan prome, lo bo tin espacio pa pone mayoria di e santo. Di mes manera, si bo pone “e cosnan mas importante” na prome luga den bo bida, lo bo tin tempo pa haci e cosnan importante ey y lo bo tin hasta tempo pa haci otro cos
Ora nos ta studia Bijbel, esey ta beneficia nos pasobra nos ta satisface nos necesidad spiritual, esta, e necesidad cu nos tin pa siña conoce Dios y ador’e. Lesa Mateo 5:3. Despues, analisa e siguiente pregunta:
-
Ora nos duna nos curso di Bijbel prioridad, con esey ta beneficia nos?
5. Sea determina pa sigui studia a pesar di oposicion
Tin biaha, hende por purba di stop bo di studia Bijbel. Wak kico a pasa cu Francesco. Pasa e VIDEO. Despues, analisa e siguiente preguntanan:
-
Kico e amigonan y famia di Francesco a pensa ora el a conta nan loke e tabata siñando for di Bijbel?
-
Ki bendicion Francesco a haya como cu e tabata determina pa sigui studia Bijbel?
Lesa 2 Timoteo 2:24, 25. Despues, analisa e siguiente preguntanan:
-
Kico bo famia- y amigonan ta pensa tocante loke bo ta siñando for di Bijbel?
-
Segun e texto aki, con bo mester reacciona ora otro hende no ta contento cu bo ta studiando Bijbel? Dicon ta bon pa bo reacciona asina?
6. Confia cu Jehova lo yuda bo
Segun cu nos amistad cu Jehova ta bira mas fuerte, nos lo haya mas gana di haci loke ta agrad’e. Toch tin biaha por ta dificil pa nos haci cierto cambio y biba manera Jehova kier. Si bo sa sinti asina, no entrega! Jehova siguramente lo yuda bo. Pasa e VIDEO. Despues, analisa e siguiente preguntanan:
-
Segun loke nos a wak den e video, ki cambio Jim a haci pa e por a agrada Jehova?
-
Kico bo a gusta mas di Jim su ehempel?
Lesa Hebreonan 11:6. Despues, analisa e siguiente preguntanan:
-
Kico Jehova lo haci pa hende cu “ta haci esfuerso pa busc’e”, esta, hende cu ta haci nan best pa conoce Jehova y haci loke ta agrad’e?
-
Con bo ta kere cu Jehova ta sinti ora e wak cu bo ta haci esfuerso pa sigui studia Bijbel?
SI UN HENDE PUNTRA: “Dicon bo ta studia Bijbel?”
-
Kico lo bo contesta?
RESUMEN
Kisas no ta semper facil pa sigui studia Bijbel, pero bo curso di Bijbel por yuda bo disfruta di bida pa semper. Confia den Jehova y e lo bendiciona bo.
Repaso
-
Dicon bo ta haya e berdadnan cu tin den Bijbel precioso?
-
Con bo por demostra cu bo curso di Bijbel ta hopi importante pa bo?
-
Dicon bo tin cu pidi Jehova pa yuda bo sigui studia Bijbel?
MAS INFORMACION INTERESANTE
Wak cuater cos cu a yuda hopi hende uza nan tempo na un manera sabi.
Un señora tabata kier sirbi Dios, pero su casa no tabata compronde dicon e tabata haci asina tanto esfuerso pa sirbi Dios. Wak con Jehova a yuda e señora aki.
Wak ki bon efecto un esposa su determinacion pa sirbi Dios tabatin riba su esposo.
Algun hende ta bisa cu testigonan di Jehova ta kibra famia. Pero, esey ta berdad?
“Testigonan di Jehova Ta Kibra Famia of Ta Uni Famia?” (articulo riba jw.org)
You May Also Like
PREGUNTA CU HOPI HENDE SA HACI
Con un Curso di Bijbel cu Testigonan di Jehova Ta Bay?
Pa sigui un curso di Bijbel interactivo gratis cu testigonan di Jehova, bo por uza cualkier traduccion di Bijbel cu bo ta prefera. Sinti bo liber pa invita henter bo famia of amigonan pa join bo.
