LES 25
Kico Ta Dios Su Proposito pa Nos?
Bijbel ta bisa cu “hende tin un biba cortico y yen di problema.” (Job 14:1) Esaki ta e bida cu Dios kier pa nos tin? Si esey no ta e caso, e ora ey, kico ta Dios su proposito pa nos? Su proposito lo cumpli un dia? Ban wak con Bijbel ta contesta e preguntanan ey.
1. Con Jehova kier pa nos bida ta?
Jehova kier lo mihor pa nos. Ora el a crea e prome hendenan, Adam cu Eva, el a pone nan den un bunita paradijs, e Hofi di Eden. Despues, “Dios a bendiciona nan, y Dios a bisa nan: ‘Haya yiu y bira hopi; yena Tera y dominʼe.’” (Genesis 1:28) Jehova tabata kier pa nan haya yiu, haci henter e Tera un paradijs y cuida e bestianan. Dios su proposito tabata pa hende biba pa semper y cu salud perfecto.
Aunke cu esey no a tuma luga, a Dios su proposito no a cambia. (Isaias 46:10, 11) Ainda e kier pa hende obediente biba pa semper riba Tera den condicion perfecto.—Lesa Revelacion 21:3, 4.
2. Con nos bida por tin proposito for di awor?
Jehova a crea nos cu un “necesidad spiritual”, esta, un deseo pa conoc’e y ador’e. (Lesa Mateo 5:3-6.) E kier pa nos tin un amistad pega cu ne, “cana den tur su camindanan”, “stim’e” y sirbie “cu henter [nos] curason.” (Deuteronomio 10:12; Santiago 2:23) Si nos haci esey, nos lo ta realmente feliz a pesar di nos problemanan. Ora nos ta adora Jehova, nos ta sinti cu nos bida tin berdadero proposito.
KICO MAS NOS POR SIÑA?
Wak cuanto amor Jehova a mustra ora el a prepara planeta Tera pa nos y loke su Palabra ta siña nos tocante e proposito di bida.
3. Jehova kier pa hende tin un bida maraviyoso
Pasa e VIDEO. Despues, analisa e siguiente pregunta:
-
Dicon Dios a crea nos bunita planeta Tera?
Lesa Eclesiastes 3:11. Despues, analisa e siguiente pregunta:
-
Kico e texto ey ta siña bo tocante Jehova su proposito pa nos?
4. Jehova su proposito no a cambia
Lesa Salmo 37:11, 29 y Isaias 55:11. Despues, analisa e siguiente pregunta:
-
Con nos por sa cu Jehova su proposito pa nos no a cambia?
Mescos cu hende por renoba un cas den mal estado, asina Dios lo renoba Tera pa su sirbidornan
5. Ora nos ta adora Jehova, nos ta sinti cu nos bida tin berdadero proposito
Ora nos sa e proposito di bida, esey por haci nos feliz. Pasa e VIDEO. Despues, analisa e siguiente pregunta:
-
Ora Terumi a haya sa kico ta e proposito di bida, con esey a yud’e?
Lesa Eclesiastes 12:13. Despues, analisa e siguiente pregunta:
-
Con nos por mustra Jehova cu nos ta agradecido pa tur loke el a haci pa nos?
SI UN HENDE PUNTRA: “Kico ta e proposito di bida?”
-
Con lo bo contesta
RESUMEN
Jehova kier pa nos biba pa semper riba Tera den condicion perfecto. Si nos sirbi Jehova cu henter nos curason, nos bida lo tin berdadero proposito for di awor.
Repaso
-
Ora Jehova a crea Adam cu Eva, ki proposito e tabatin pa nan?
-
Con nos por sa cu Dios su proposito pa hende no a cambia?
-
Con bo bida por haya proposito?
MAS INFORMACION INTERESANTE
Wak dicon nos por tin sigur cu Hofi di Eden realmente a existi.
“E Hofi di Eden A Existi?” (E Toren di Vigilansia di 1 di januari 2011)
Wak dicon nos por tin sigur cu planeta Tera lo permanece pa semper.
Wak kico Bijbel ta bisa tocante e proposito di bida.
Wak con un homber cu a kere cu e tabatin tur cos a haya berdadero proposito den bida.
a Den e siguiente les, nos lo mira kico a bay robes.
You May Also Like
PREGUNTA CU HOPI HENDE SA HACI
Con un Curso di Bijbel cu Testigonan di Jehova Ta Bay?
Pa sigui un curso di Bijbel interactivo gratis cu testigonan di Jehova, bo por uza cualkier traduccion di Bijbel cu bo ta prefera. Sinti bo liber pa invita henter bo famia of amigonan pa join bo.
