LES 47
Bo Ta Cla pa Batisa?
Durante bo curso di Bijbel, bo a siña hopi cos tocante Jehova. E cosnan cu bo a siña probablemente a motiva bo pa haci cambio den bo bida. Asina mes, kisas bo ta sinti cu tin algo ta stroba bo di dedica bo mes na Jehova y batisa. Den e les aki, nos lo trata algun obstaculo cu por stroba un persona di batisa y con pa vence esakinan.
1. Con bon bo mester conoce Bijbel prome cu bo por batisa?
Pa bo por batisa, bo mester tin “conocemento exacto di e berdad.” (1 Timoteo 2:4) Esaki no ta nifica cu bo mester sa con pa contesta delaster un pregunta cu hende por haci bo tocante Bijbel. Hasta cristian cu tin hopi tempo batisa ta sigui siña mas di Bijbel. (Colosensenan 1:9, 10) Loke si ta importante ta pa bo compronde e siñansanan basico di Bijbel. E ancianonan di congregacion por yuda bo haya sa si bo tin e conocemento basico ey.
2. Kico ta algun cos cu bo tin cu haci prome cu bo batisa?
Prome cu bo batisa, bo mester “arepenti, y cambia [bo] rumbo.” (Lesa Echonan 3:19.) Esaki ta encera cu bo ta sinti duele profundo pa cualkier pica cu bo a comete den pasado y ta pidi Jehova pa pordona bo. Ademas, esaki ta encera cu bo ta determina pa no haci loke Jehova ta odia y bo ta haci esfuerso pa biba di un manera cu ta agrad’e. Banda di esey, bo ta cuminsa asisti na reunion y predica hunto cu e congregacion como un publicador no batisa.
3. Dicon bo no mester laga miedo stroba bo di batisa?
Tin hende tin miedo cu nan lo no por cumpli cu loke nan a priminti Jehova. Ta berdad cu bo lo comete fayo mescos cu fiel sirbidor di Dios cu Bijbel ta menciona. Sinembargo, Jehova no ta verwacht perfeccion di su sirbidornan. (Lesa Salmo 103:13, 14.) Lo e keda contento ora e wak e esfuerso cu bo ta haci pa sirbie! Anto lo e yuda bo. Jehova ta sigura nos cu nada “lo por separa nos for di [su] amor.”—Lesa Romanonan 8:38, 39.
KICO MAS NOS POR SIÑA?
Laga nos wak dos cos cu por yuda bo vence cualkier obstaculo cu por stroba bo di batisa: siña conoce Jehova mihor y acepta su yudansa.
4. Siña conoce Jehova mihor
Con bon bo mester conoce Jehova prome cu bo batisa? Bo mester conoce Jehova suficientemente bon pa bo stim’e y pa duna bo gana di haci loke ta agrad’e. Pasa e VIDEO pa wak con diferente studiante di Bijbel rond mundo a siña conoce Jehova. Despues, analisa e siguiente pregunta:
-
Segun e video, kico a yuda algun hende prepara pa bautismo?
Lesa Romanonan 12:2. Despues, analisa e siguiente preguntanan:
-
Bo tin duda tocante algun siñansa di Bijbel? Bo ta duda cu testigo di Jehova ta siña hende e berdad cu tin den Bijbel?
-
Si bo tin duda, kico bo por haci?
5. Vence obstaculo cu por stroba bo di batisa
Nos tur ta haya nos cu dificultad ora nos scoge pa dedica nos mes na Jehova y batisa. Pa wak un ehempel di esey, pasa e VIDEO. Despues, analisa e siguiente preguntanan:
-
Ki obstaculo Narangerel mester a vence pa e por a sirbi Jehova?
-
Con amor pa Jehova a yud’e vence e obstaculonan ey?
Lesa Proverbionan 29:25 y 2 Timoteo 1:7. Despues, analisa e siguiente pregunta:
-
Kico ta duna nos curashi pa vence obstaculo?
6. Confia cu Jehova lo yuda bo
Jehova lo yuda bo haci loke ta agrad’e. Pasa e VIDEO. Despues, analisa e siguiente preguntanan:
-
Dicon e studiante den e video tabata duda pa batisa?
-
Kico a yud’e haya mas confianza den Jehova?
Lesa Isaias 41:10, 13. Despues, analisa e siguiente pregunta:
-
Dicon bo por tin sigur cu bo por cumpli cu e promesa cu bo ta haci ora bo dedica bo mes na Jehova?
7. Haya mas aprecio pa e amor cu Jehova tin pa bo
Mas bo pensa riba cuanto Jehova ta stima bo, mas agradecido lo bo ta y mas gana lo bo haya di sirbie pa semper. Lesa Salmo 40:5. Despues, analisa e siguiente pregunta:
-
Ki bendicion di Jehova bo ta aprecia mas?
Profeta Jeremias tabata stima Jehova y Su mensahe, y e tabata masha agradecido cu e por a sirbi Jehova. Jeremias a bisa: “Bo palabranan a yena mi curason cu felicidad y alegria, pasobra mi ta carga bo nomber, o Jehova.” (Jeremias 15:16) Analisa e siguiente preguntanan:
-
Dicon ta un honor pa ta un testigo di Jehova?
-
Bo kier batisa y bira un testigo di Jehova?
-
Tin algo ta stroba bo di haci esey?
-
Kico bo ta pensa cu bo tin cu haci pa bo por batisa?
LOKE HENDE SA BISA: “Mi tin miedo di batisa, y despues haci algo robes.”
-
Bo tambe ta sinti asina?
RESUMEN
Jehova por yuda bo vence cualkier obstaculo cu por stroba bo di batisa.
Repaso
-
Con bon bo mester conoce Bijbel pa bo por batisa?
-
Kico ta algun cambio cu bo tin cu haci pa bo por batisa?
-
Dicon bo no mester laga miedo stroba bo di batisa?
MAS INFORMACION INTERESANTE
Wak kico mester motiva bo pa batisa.
“Bo Ta Cla pa Batisa?” (E Toren di Vigilansia di maart 2020)
Wak con bo por vence algun obstaculo cu por stroba bo di batisa.
“Kico Ta Stroba Mi di Batisa?” (E Toren di Vigilansia di maart 2019)
Wak con un homber a logra vence algun obstaculo grandi cu tabata strob’e di batisa.
Na prome instante, un homber cu yama Ataa tabata duda pa batisa. Wak kico a convenc’e pa tuma e decision importante aki.
You May Also Like
PREGUNTA CU HOPI HENDE SA HACI
Con un Curso di Bijbel cu Testigonan di Jehova Ta Bay?
Pa sigui un curso di Bijbel interactivo gratis cu testigonan di Jehova, bo por uza cualkier traduccion di Bijbel cu bo ta prefera. Sinti bo liber pa invita henter bo famia of amigonan pa join bo.
