Aunke construccion di e tempel na Israel a exigi hopi esfuerso y placa, e Israelitanan a sostene e proyecto aki yen di entusiasmo. (1Cr 29:2-9; 2Cr 6:7, 8) Despues cu e tempel a keda cla, nan a demostra si nan tabata fuerte spiritualmente of no na e manera cu nan a manten’e. (2Re 22:3-6; 2Cr 28:24; 29:3) Awe, cristiannan ta dedica hopi tempo y energia na construccion, limpieza y mantencion di Salon di Reino y di Asamblea. No ta un gran privilegio pa por traha hunto cu Jehova den e trabou aki? —Sl 127:1; Rev 7:15.

• Despues di cada reunion, laga tur cos na ordo. Si bo no por haci mucho, laga e area rond di bo asiento limpi.

• Wak pa bo t’ey pa bo duna un man ora tin limpieza y mantencion di Salon di Reino. Si, ora nos tur yuda, e trabou ta bira mas facil y tur hende ta traha cu mas smaak.—lv 92-93 §18.

• Pa medio di donacion. Jehova ta keda contento cu cualkier contribucion cu nos haci di curason, hasta si, na moda di papia, ta “dos cen preto” so nos por duna.—Mar 12:41-44.

• Si bo circunstancia ta permiti, ofrece pa yuda den construccion di edificionan cu nos ta uza pa adora Jehova. Bo no mester tin experencia den construccion pa bo por yuda.