SEA DILIGENTE DEN SIRBISHI
Con pa Mehora Bo Sirbishi: Traha Bo Mes Presentacion di Revista
DICON ESAKI TA IMPORTANTE: Aunke cu e presentacionnan den nos Tarea pa Reunion ta practico, nan ta djis sugerencia. Lo ta bon pa bo uza bo mes palabra. Kisas bo ta prefera di presenta e tema na un otro manera of hasta uza un otro tema cu ta interesa hende den bo teritorio. Si esey ta e caso, despues cu bo caba di lesa e revista, analisa e presentacionnan y wak e videonan; bo por uza e siguiente sugerencianan pa traha bo mes presentacion.
CON PA HACI ESEY:
Bo ta bay uza un di e presentacionnan cu tin den nos Tarea pa Reunion?
SI
-
Formula bo introduccion. Cuminda e persona y splic’e cu poco palabra e motibo di bo bishita. (Por ehempel: “Mi ta bishita bo pasobra ...”)
-
Pensa con lo bo bay di e pregunta pa e texto y di e texto pa e publicacion. (Por ehempel: Pa introduci e texto, bo por bisa: “E contesta pa e pregunta ey ta na ...”)
NO
-
Scoge un tema for di e revista cu a hala bo atencion y cu lo por interesa hende den bo teritorio
-
Pensa riba un pregunta cu lo anima e persona pa expresa su mes, pero cu lo no lag’e sintie incomodo. (Por ehempel: E preguntanan cu tin na pag. 2 di e revista.)
-
Scoge un texto pa lesa. (Si bo ofrece e ¡Despertad!, bo por scoge pa keda sin lesa texto di Bijbel ya cu a prepara e revista pa hende cu no tin masha conocemento di Bijbel y cu kisas no ta confia religion.)
-
Prepara un of dos frase pa splica e persona con e por beneficia di e articulo ora e les’e
EN TODO CASO
-
Prepara un pregunta cu lo bo kier contesta na e siguiente bishita
-
Haci anotacion pa yuda bo corda loke bo kier bisa e siguiente biaha
