“Laga Perseverancia Completa Su Obra”
“Laga perseverancia completa su obra, pa boso por ta perfecto y sin defecto den tur sentido, sin cu boso tin falta di nada.”—SANT. 1:4.
CANTICA: 135, 139
1, 2. (a) Kico nos por siña di e perseverancia cu Gideon y su 300 soldaatnan a demostra? (Wak e prome plachi.) (b) Segun Lucas 21:19, dicon perseverancia ta asina importante?
PURBA di imagina e bataya sumamente dificil y agotador cu tabata tumando luga entre e soldaatnan Israelita, bou di mando di Hues Gideon, y e soldaatnan Madianita hunto cu nan aliadonan. Gideon y su soldaatnan a persigui nan henter anochi pa un distancia di mas o menos 32 kilometer. Bijbel ta conta nos loke a sosode despues: “Gideon i su 300 hòmbernan a yega Yordan i krusa. Nan ... tabata hopi kansá.” Pero na e momento ey ainda Gideon y su soldaatnan no a gana e bataya, pasobra ainda nan mester a bringa contra 15.000 soldaat. E enemigonan aki a oprimi e Israelitanan pa varios aña, pues, no tabata momento pa entrega. Pesey, Gideon y su soldaatnan “a keda persiguí” nan y finalmente a derota nan.—Hues. 7:22; 8:4, BPK, 10, 28.
2 Nos tambe ta den un bataya dificil y agotador. Nos enemigonan ta Satanas, su mundo y nos propio imperfeccionnan. Algun di nos ta bringando contra e enemigonan aki pa hopi aña caba. Pero cu Jehova su yudansa, nos a gana varios Lucas 21:19.) Kico ta perseverancia? Kico lo yuda nos persevera? Kico nos por siña di esnan cu a persevera? Y con nos por “laga perseverancia completa su obra”?—Sant. 1:4.
bataya. Sinembargo, nos no a gana e bataya final ainda. Tin biaha nos ta cansa di lucha y ta cansa di warda e fin di e sistema aki. Hesus a spierta nos cu durante e ultimo dianan nos lo pasa den prueba y sufri maltrato severo. Pero el a bisa tambe cu si nos persevera, nos lo gana e bataya. (LesaKICO TA PERSEVERANCIA?
3. Kico ta perseverancia?
3 Den Bijbel, perseverancia no ta nifica solamente wanta prueba of soporta dificultad. Perseverancia tin di haber tambe cu nos mente y curason, esta, e manera cu nos ta reacciona ora nos pasa den prueba. Un persona cu ta persevera ta mustra curashi, fe y pasenshi. Un buki di consulta ta bisa cu un hende cu ta persevera tin un fe fuerte y no ta entrega ora e ta pasando den prueba. E ta keda firme hasta den e situacionnan di mas dificil. Como cu e ta enfoca riba su meta y no riba su dolor, e ta logra pasa den e prueba cu exito.
4. Dicon nos por bisa cu amor ta motiva nos pa persevera?
4 Amor ta motiva nos pa persevera. (Lesa 1 Corintionan 13:4, 7.) Dicon nos por bisa esey? Wel, si nos ta stima Jehova, nos lo ta dispuesto pa wanta cualkier cos cu e ta permiti. (Luc. 22:41, 42) Y si nos ta stima nos rumannan, esaki lo yuda nos soporta nan imperfeccionnan. (1 Ped. 4:8) Y kico di parehanan casa? Manera nos sa, hasta e parehanan mas feliz ta pasa den “dificultad.” Pero amor lo yuda nan persevera, y esey lo haci nan matrimonio mas fuerte.—1 Cor. 7:28.
KICO LO YUDA NOS PERSEVERA?
5. Dicon Jehova ta e mihor persona cu por yuda nos persevera?
5 Pidi Jehova forsa. Jehova ta esun cu ta yuda nos persevera y ta duna nos consuelo. (Rom. 15:5) E so ta compronde bon bon nos situacion, nos sintimentonan y nos background. Pues e sa precies loke nos tin mester pa nos por persevera. Bijbel ta bisa: “E lo cumpli cu e deseo di esnan cu ta tem’e; tambe e lo tende nan sclamacion y lo salba nan.” (Sal. 145:19) Pero con lo e contesta nos oracionnan ora nos pidie forsa pa persevera?
6. Ora nos ta enfrenta prueba, con Jehova ta percura un salida?
6 Lesa 1 Corintionan 10:13. Ora nos pidi Jehova pa yuda nos persevera, e ta priminti cu e lo “percura ... e salida.” Acaso Jehova ta hinca man den asunto pa kita prueba? Tin biaha e ta haci esey. Pero mayoria di biaha e ta duna nos forsa pa nos por wanta e prueba. Si, Jehova ta fortalece nos pa nos “por soporta tur cos cu pasenshi y goso.” (Col. 1:11) Jehova conoce nos limitacionnan fisico, mental y emocional bon. Pesey nunca lo e permiti un situacion bira asina dificil cu nos no por keda fiel.
7. Dicon nos mester di cuminda spiritual pa persevera te na fin? Duna un ehempel.
7 Fortalece bo fe cu cuminda spiritual. Dicon cuminda spiritual ta importante? Por ehempel, pa subi Mount Everest, un persona tin mester di mas o menos 6.000 caloria pa dia. Esey ta loke normalmente un persona ta come den tres pa cuater dia. Pa e logra yega te na top, e lo mester come mas tanto caloria posibel. Di igual manera, pa nos logra persevera te na fin, nos mester di mas tanto cuminda spiritual posibel. Juan 6:27.
Nos mester tin disciplina pa saca tempo pa estudio personal y pa bay nos reunionnan. E actividadnan spiritual aki ta fortalece nos fe cu “cuminda cu ta dura y cu ta hiba na bida eterno.”—8, 9. (a) Segun Job 2:4 y 5, kico mas nos tin cu corda ora nos ta enfrenta prueba? (b) Ora bo ta enfrenta prueba, ki escena lo ta bon pa bo imagina?
8 Corda riba e cuestion di integridad. Ta berdad cu ora nos ta enfrenta prueba, nos ta sufri. Pero corda tambe cu na e momento ey nos lealtad na Dios ta ser poni na prueba. E manera cu nos ta reacciona ta mustra si realmente nos ta mira Jehova como e Gobernante di universo. Dicon nos ta bisa esey? Wel, Satanas, kende no kier pa Dios goberna e universo, a insulta Jehova bisando cu hende ta sirbie solamente pa motibonan egoista. Satanas a bisa Jehova: “Tur loke un hende tin e lo duna pa su bida.” Y despues, Satanas a bisa tocante Job: “Ma saca bo man awor y mishi cu [Job] su weso y cu su carni; e lo maldiciona bo den bo cara.” (Job 2:4, 5) Acaso Satanas a cambia desde cu el a bisa esey? Absolutamente cu no! Hopi siglo despues, ora Satanas a ser benta riba Tera, e tabata conoci keto bay como “esun cu ta acusa nos rumannan ... di dia y anochi dilanti di nos Dios.” (Rev. 12:10) Awe Satanas ta sigui bisa cu hende ta sirbi Dios pa motibonan egoista. E tin masha gana di mira nos entrega y rechasa Dios su autoridad.
9 Ora bo ta pasando den prueba, purba di imagina e siguiente escena. Satanas y su compinchinan ta na un banda. Nan ta wak kico bo ta bay haci y ta spera riba e momento cu lo bo entrega. Na e otro banda, bo ta mira Jehova, nos Rey Hesus, esnan ungi cu a ser resucita y miles di angel. Nan tambe ta mira cu bo ta sufriendo, pero nan ta anima bo pa bo no entrega. Nan ta keda contento di mira cu bo ta persevera y keda fiel na Jehova. Y despues bo ta tende Jehova bisa bo: “Sea sabi, mi yiu, y haci mi curason contento, pa mi por contesta esun cu [ta] reprocha mi.”—Prov. 27:11.
10. Con abo por imita Hesus ora bo enfrenta prueba?
10 Enfoca riba e recompensanan. Imagina cu bo ta haciendo un biahe den auto y bo mester pasa door di un tunnel largo. Ora bo drenta e tunnel, ta scur scur. Pero bo sa cu si bo sigui core te na final di e tunnel, lo bo wak claridad atrobe. Di igual manera, kisas abo ta pasando den un tempo masha dificil y ta sinti bo hopi preocupa. Podise hasta Hesus a sinti asina. Ora el a ser ehecuta riba “un staca di tormento”, e mester a “soporta palabranan ofensivo di parti di pecadornan”, humiliacion y hopi dolor. Siguramente esaki tabata e tempo di mas dificil den su bida. Kico a yud’e persevera? Bijbel ta bisa cu ta “e goso cu tabata sper’e.” (Heb. 12:2, 3) Hesus a enfoca riba e bon resultadonan; principalmente riba con su perseverancia lo yuda limpia e nomber di Dios y lo apoya Su derecho di goberna. E tabata sa cu e pruebanan tabata temporal y cu su recompensa den cielo lo dura pa semper. Den nos tempo, e pruebanan cu nos ta enfrenta por ta doloroso y insoportabel, pero no lubida cu nan ta temporal.
“ESNAN CU A PERSEVERA”
11. Dicon ta bon pa nos considera e experencianan di “esnan cu a persevera”?
11 Nos no ta e unico sirbidornan di Dios cu mester persevera bou di prueba. Den tempo di apostel Pedro, hopi cristian mester a wanta atakenan di Satanas. 1 Ped. 5:9) “Esnan cu a persevera” ta siña nos con pa keda fiel, ta sigura nos cu nos por keda leal y ta recorda nos cu si nos keda fiel, Jehova lo recompensa nos. (Sant. 5:11) Ban wak algun ehempel di sirbidornan cu a keda fiel. [1]
Pesey, Pedro a bisa nan: “Tuma boso posicion contra dje, firme den fe, sabiendo cu rond mundo henter e hermandad ta soporta e mesun tipo di sufrimento.” (12. Kico nos por siña for di e ehempel di e kerubinnan den e Hofi di Eden?
12 E kerubinnan ta angelnan cu tin un posicion halto. Despues cu Adam cu Eva a peca, Jehova a duna algun kerubin un asignacion nobo riba Tera cu tabata diferente for di e asignacion cu nan tabatin den cielo. Nan bon ehempel por siña nos con pa persevera ora nos haya un asignacion dificil. Bijbel ta bisa cu na e “parti pariba di Hofi di Eden” Jehova “a staciona e kerubinnan y un spada tur na vlam di candela cu tabata bira den tur direccion, pa warda e caminda cu ta bay na e palo di bida.” [2] (Gen. 3:24) Bijbel no ta bisa cu e kerubinnan a keha of a sinti cu nan ta mucho importante pa e asignacion nobo ey. Tampoco nan no a fada ni entrega. Al contrario, nan a cumpli cu nan asignacion te ora nan trabou a caba. Kisas nan e keda eynan te ora e Diluvio a bin, mas o menos un 1.600 aña despues.
13. Kico a yuda Job persevera bou di prueba?
13 Job, un homber fiel. Tin biaha, un amigo of un miembro di famia por bisa algo cu ta desanima bo. Of, kisas bo ta hopi malo of bo ta sufriendo pasobra un ser keri a fayece. Si esey ta bo caso, e ehempel di Job por anima bo. (Job 1:18, 19; 2:7, 9; 19:1-3) Aunke Job no tabata sa pakico e tabata pasando den asina tanto prueba, toch e no a entrega. Dicon no? Pasobra Job “tabata teme Dios.” (Job 1:1) E tabata determina pa agrada Jehova den tempo bon y den tempo malo. Ademas, Jehova a yuda Job medita riba e cosnan maraviyoso cu el a logra mediante Su spirito santo. Esaki a convence Job mas ainda cu Jehova lo kita su pruebanan na e debido tempo. (Job 42:1, 2) Y esey ta exactamente loke a sosode. Jehova “a restaura e rikesanan di Job ora cu el a haci oracion pa su amigonan, y SEÑOR a duna Job dobel di tur loke e tabatin prome.” Y Job a disfruta di un bida largo y feliz.—Job 42:10, 17.
14. Segun 2 Corintionan 1:6, con Pablo su perseverancia a yuda otro hende?
2 Cor. 11:23-29) Pero toch nunca Pablo a entrega, y esey a anima otronan. (Lesa 2 Corintionan 1:6.) Abo tambe por anima otronan si bo persevera.
14 Apostel Pablo. Abo ta enfrentando oposicion cruel of hasta persecucion? Bo ta un anciano of un superintendente di circuito y ta sinti bo carga pa motibo di e tantisimo trabou cu tin pa haci? Si ta asina, ta bon pa bo medita riba e ehempel di Pablo. El a enfrenta “cosnan di caracter externo.” Por ehempel, el a enfrenta persecucion cruel y tabata sinti inkietud pa e congregacionnan. (ACASO PERSEVERANCIA LO “COMPLETA SU OBRA” DEN BO?
15, 16. (a) Ki “obra” perseverancia mester completa? (b) Duna algun ehempel cu ta mustra con nos por “laga perseverancia completa su obra.”
15 Bou di inspiracion, Santiago a skirbi: “Laga perseverancia completa su obra.” Ki “obra” perseverancia mester completa? Perseverancia ta yuda “pa [nos] por ta perfecto y sin defecto den tur sentido, sin cu [nos] tin falta di nada.” (Sant. 1:4) Ora nos ta pasa den prueba, kisas nos ta ripara cu nos mester tin mas pasenshi, aprecio of amor. Segun cu nos ta persevera bou di prueba, nos ta haya oportunidad pa mehora e cualidadnan aki y asina bira un mihor cristian.
Ora nos ta persevera bou di prueba, nos ta haya oportunidad pa mehora nos cualidadnan cristian (Wak paragraf 15, 16)
16 Como cu perseverancia por yuda nos bira un mihor cristian, nos lo no kier kibra ley di Jehova djis pa pone fin na un prueba. Por ehempel, si bo ta lucha cu pensamentonan inmoral, no laga esey pone bo cay den tentacion. Pidi Jehova pa yuda bo rechasa e pensamentonan aki. Di e manera ey, bo ta siña domina bo mes. Kico si tin un miembro di bo famia cu ta opone bo pasobra bo ta un Testigo? No entrega! Sea determina pa sigui sirbi Jehova. Como resultado, bo ta haya mas confianza den Jehova. Corda: Nos mester persevera pa nos haya Jehova su aprobacion.—Rom. 5:3-5; Sant. 1:12.
17, 18. (a) Uza un ilustracion pa mustra e importancia di persevera te na fin. (b) Awor cu e fin ta cerca, ki confianza nos por tin?
17 Nos mester persevera te na fin y no djis pa un tempo so. Pa ilustra: Imagina un barco cu ta sink. Pa sobrevivi, e pasaheronan mester landa bay canto. Si un hende entrega ora e cuminsa landa, e lo hoga. Y si un hende entrega un poco prome cu e yega canto, tambe e lo hoga. Asina tambe, si nos kier biba den e mundo nobo, nos tin cu persevera. Laga nos ta determina pa sigui e actitud di apostel Pablo, kende a bisa: “Nos no ta entrega.”—2 Cor. 4:1, 16.
18 Mescos cu Pablo, nos por tin pleno confianza cu Jehova lo yuda nos persevera te na fin. Pablo a bisa: “Nos ta sali completamente victorioso pa medio di esun cu a stima nos. Pasobra mi ta convenci cu ni morto ni bida, ni angel ni gobierno, ni loke tin awor ni loke tin cu bini, ni podernan, ni haltura ni profundidad, ni ningun otro creacion lo por separa nos for di e amor di Dios expresa mediante Cristo Hesus, nos Señor.” (Rom. 8:37-39) Ta berdad cu tin biaha nos por cansa. Pero laga nos imita Gideon y su soldaatnan; nan a cansa pero nan no a entrega.—Hues. 8:4.
^ [1] (paragraf 11) Lo ta animante tambe pa lesa experencia di rumannan den nos tempo cu a persevera. Por ehempel, den e Anuario di 1992, 1999 y 2008 tin relatonan di nos rumannan di Etiopia, Malawi y Rusia cu por fortalece nos fe.
^ [2] (paragraf 12) Bijbel no ta bisa cuanto kerubin a haya e asignacion ey.