SPAÑA tin diferente tipo di paisahe y hende di diferente rasa y cultura. Rond Spaña tin cunucu di maishi, wendruif y mata di oleifi. Y solamente rond di 14 kilometer di lama ta separa e parti zuid di Spaña for di Africa.

Tin hopi hende cu a bay biba na e skina zuidwest aki di Europa, entre otro, hende di Fenicia, Grecia y Cartago. Den siglo 3 prome cu Cristo, ora e Romanonan a conkista e teritorio ey, nan a yam’e Hispania. Despues e Visigodonan y Moronan a ocupa e teritorio ey; nan tur a laga un marca riba e cultura di Spaña.

Na aña 2015, mas cu 68 miyon turista a bishita Spaña. Mayoria di nan ta bay Spaña pa disfruta di solo y di e beachnan bunita, y tambe di e obranan di  arte, obhetonan cu tin balor historico y monumentonan. E cuminda crioyo di Spaña cu ta bon conoci rond mundo tambe ta atrae turista. Esaki ta inclui cuminda di lama, ham curti, stobanan sabroso, salada, y berdura sea cushina of sasona cu zeta di oleifi, tortilla de patatas, paella y tapas.

E hendenan di Spaña ta amigabel y habri. Mayoria di nan ta catolico, pero masha poco di nan ta bay misa. E ultimo añanan hopi hende di Africa, Asia y America Latino a muda bay Spaña. Hopi di nan ta gusta papia tocante nan creencianan y custumbernan religioso. Testigonan di Jehova tabatin bon combersacionnan cu nan y a yuda nan haya sa loke Bijbel ta siña tocante varios topico.

Na aña 2015, mas cu 10.500 Testigo boluntariamente a yuda construi of renoba 70 Salon di Reino (luganan caminda nan ta reuni). Gobierno a duna nan tereno pa algun di e proyectonan ey. Pa yuda e stranheronan cu a muda bay Spaña, testigonan di Jehova tin reunionnan den mas cu 30 idioma. Na 2016, mas cu 186.000 hende a asisti na e Cena di Señor pa recorda e morto di Hesucristo.