HAYA SA CON PA DEAL CU STRESS
Un Bida sin Stress Ta Posibel
Consehonan di Bijbel por yuda nos evita stress innecesario. Claro, como hende, ta imposibel pa kita tur loke ta causa nos stress. Pero nos Creador si por. El a hasta scoge un persona pa yuda nos: Hesucristo. Ora Hesus tabata riba Tera, el a haci cosnan maraviyoso. Pero den futuro cercano, e lo haci mucho mas pa humanidad riba un escala mundial. Por ehempel:
HESUS LO CURA TUR MALEZA.
“Nan a trece tur hende cu tabata malo cerca dje—hende cu tabatin varios maleza ..., y el a cura nan tur.”—MATEO 4:24.
HESUS LO PERCURA CAS Y CUMINDA PA TUR HENDE.
“Nan [subditonan di Cristo] lo traha cas y biba den nan; tambe nan lo planta cunucunan di wendruif y come nan fruta. Nan lo no traha cas pa otro hende biba aden, ni planta pa otro hende come.”—ISAIAS 65:21, 22.
HESUS SU GOBIERNO LO TRECE PAZ Y SIGURIDAD.
“Den su dianan laga e husto florece, y laga tin abundancia di paz te ora cu no tin luna mas. Lag’e goberna tambe di lama pa lama, y for di Riu Eufrates te na e finnan di Tera. Su enemigonan [lo] lembe stof.”—SALMO 72:7-9.
HESUS LO ELIMINA INHUSTICIA.
“E lo tin compasion di e pober y di esun den necesidad, y e lo salba bida di esnan den necesidad. E lo rescata nan bida for di opresion y violencia.”—SALMO 72:13, 14.
HESUS HASTA LO CABA CU SUFRIMENTO Y MORTO.
“Lo no tin morto mas; ni tristeza ni sclamacion ni dolor lo no tin mas.”—REVELACION 21:4.
You May Also Like
PREGUNTA CU BIJBEL TA CONTESTA
Kico e Reino di Dios Lo Haci?
Haya sa ki bendicion bo por spera ora e Reino di Dios ta goberna Tera.
