Esey ta e conclusion cu un team di investigador internacional a saca ora nan tabata investiga cambio di clima. Si bo ta kere den un Creador cu ta interesa den humanidad, e conclusion cientifico ey kisas ta laga bo pensa riba tur e procesonan natural cu Dios a crea pa asina nos planeta por recupera.

Sinembargo, como cu hende a causa asina tanto daño na nos planeta, e no por recupera riba su mes. Dicon nos por tin sigur cu Dios lo haci algo tocante esey?

Tuma nota di e textonan di Bijbel den e cuadro cu ta sigura nos cu nos planeta lo sobrevivi y cu semper lo tin bida riba dje.

• Dios a crea nos planeta. “Na cuminsamento, Dios a crea cielo y Tera.”—Genesis 1:1

• Dios ta doño di nos planeta. “Tera y tur loke tin riba dje ta di Jehova.” a—Salmo 24:1

• Dios a diseña nos planeta pa sobrevivi. “Bo a pone Tera firmemente riba su fundeshi. Hamas y nunca, lo e kita for di su luga.”—Salmo 104:5

• Dios a priminti cu semper lo tin bida riba nos planeta. “E Dios berdadero ... cu a forma Tera ... no a crea Tera pornada. Mas bien, el a form’e pa e ser habita.”—Isaias 45:18

• Dios a priminti cu hende lo biba pa semper riba Tera. “Hende husto lo hereda Tera, y nan lo biba riba dje pa semper.”—Salmo 37:29

Dios a diseña nos planeta di tal manera cu hende por disfruta di bida riba Tera sin causa daño na dje. Bijbel ta bisa cu Jehova Dios lo no laga hende sigui uza e recursonan di nos planeta na un manera egoista, pasobra esey lo sigui causa daño na nos planeta. Na su debido tempo, Dios lo pone un fin na esey.—Revelacion 11:18

Bijbel ta priminti cu Dios lo comberti nos planeta den un bunita paradijs y cu lo e habri su man y “satisface deseo di tur ser bibo.”—Salmo 145:16