Dicon Hende No Tin Respet Mas pa Nan Mes?
DICON TA IMPORTANTE PA NOS TIN RESPET PA NOS MES?
Hende cu tin respet pa nan mes tin mas confianza ora nan ta enfrenta e problemanan di bida. Nan no ta entrega facilmente.
-
Investigacion ta mustra cu hende cu no ta pensa bon di nan mes tin mas chens di sufri di ansiedad, depresion y trastorno di comemento (eating disorders). Ademas, nan tin mas tendencia di bebe di mas y uza droga.
-
Hende cu respet pa nan mes ta evita di compara nan mes cu otro hende. Pesey, ta mas facil pa nan bay bon cu otro hende y cera amistad fuerte. Di otro banda, hende cu no tin respet pa nan mes tin e tendencia di critica otro hende, y esey por daña nan amistad cu otro hende.
-
Hende cu tin respet pa nan mes ta persevera hasta ora nan ta enfrenta problema. Nan no ta laga problema chikito stroba nan di logra nan meta. Na contraste, ora un hende no tin respet pa su mes, hopi biaha e ta mira un problema chikito como un obstaculo grandi. Esey por pone cu e ta entrega lihe.
LOKE BO POR HACI
Scoge amigo cu ta anima bo. Anda cu hende cu ta respetuoso, hende cu kier bo bon y cu lo anima bo.
Yuda otro hende. Ora bo ta amabel y ta haci cos pa otro hende, hasta pa hende cu no por paga bo bek, lo bo ta realmente feliz y lo bo sinti cu bo ta util. Anto esey lo ta e caso hasta si niun otro hende no ripara loke bo a haci.
Yuda bo yiunan pa siña respeta nan mes. Un manera pa yuda nan haci esey ta di duna nan espacio pa resolve problema riba nan mes, te asina leu cu nan por. Esey lo siña bo yiu con pa trata cu problema y resolve nan. Ora bo yiu siña haci esey, lo e haya mas respet pa su mes. Anto esey lo yud’e hopi ora e bira grandi.
LOKE TESTIGONAN DI JEHOVA TA HACI
E reunionnan di testigonan di Jehova y curso di Bijbel cu nan ta duna ta yuda hende mehora nan bida, como resultado nan lo haya mas respet pa nan mes.
NOS REUNIONNAN SEMANAL
Na nos reunionnan semanal, nos ta disfruta di discurso basa riba Bijbel. Den e discursonan ey, nos ta haya sugerencia cu ta yuda nos haya mas respet pa nos mes. Nos reunionnan ta gratis y tur hende ta bon bini. Por ehempel, na nos reunionnan bo lo siña ...
-
dicon bo ta importante pa Dios
-
con pa haya berdadero proposito den bida
-
con pa cera amistad duradero cu otro hende
Ademas, lo bo haya berdadero amigo cu ta “preocupa pa otro.”—1 Corintionan 12:25, 26.
Pa haya sa mas tocante nos reunionnan, wak e video cortico Kico Ta Sosode na un Salon di Reino? Bo por busca e video riba jw.org.
NOS CURSO DI BIJBEL
Nos ta ofrece un curso di Bijbel interactivo cu e buki Bo Por Disfruta di Bida pa Semper! E buki aki tin pregunta cu lo yuda e studiante rasona riba texto di Bijbel clave. Ademas, tin bunita plachi y video cu ta apoya loke e studiante ta siña for di Bijbel. Nos curso di Bijbel ta yuda hende sinti cu nan tin balor y ta yuda nan mehora nan bida.
Pa haya sa con un curso di Bijbel cu testigonan di Jehova por yuda bo, wak e video cortico Dicon Analisa Loke Bijbel Ta Bisa? Bo por haya e video riba jw.org.
You May Also Like
PREGUNTA CU BIJBEL TA CONTESTA
Kico Bijbel Ta Bisa Tocante Stima Bo Mes?
Hesus a bisa: “Stima bo prohimo mescos cu bo mes.” Kico e tabata kiermen?
TOCANTE NOS
Pidi un Bishita
Papia tocante un topico di Bijbel of haya sa mas tocante testigonan di Jehova.
