Dicon Hende No Tin Respet Mas Pa Nan Famia?

PLAY

DICON TA IMPORTANTE PA MIEMBRONAN DI FAMIA MUSTRA RESPET NA OTRO?

Ora cada miembro di famia ta respeta otro, esey ta crea un ambiente trankil na cas y tur hende lo sinti nan safe.

E buki The Seven Principles for Making Marriage Work ta bisa cu ora un pareha casa ta respeta otro, nan lo mustra cariño na otro “no solamente den cos grandi pero den cos chikito cu ta sosode tur dia tambe.”
Investigacion ta mustra cu yiunan cu siña respeta otro hende ta sinti mihor di nan mes, tin un mihor relacion cu nan mayornan y ta sufri di menos problema emocional y problema di salud mental.

LOKE BO POR HACI

Traha un plan hunto cu bo famia. Prome, haci sigur cu tur hende den e famia ta compronde kico mustra “respet” na otro ta encera. Di dos, skirbi loke bo kier pa bo miembronan di famia haci y kico nan no mester haci. Di tres, repasa e plan hunto como famia pa tur hende por sa kico nan por haci pa mustra respet na otro.

“Plan di hende diligente ta duna bon resultado.”—Proverbionan 21:5.

Pone un bon ehempel. Ta bon pa haci bo mes e siguiente preguntanan: Mi ta critica mi famia ora nan haci algo robes? Mi ta haci cherche di nan ideanan? Mi ta ignora of interumpi nan ora nan ta papia cu mi?

Tip: Purba di mira respet como algo cu bo debe bo casa y bo yiunan, y no como algo cu nan mester gana.

“Pa loke ta mustra honor na otro, tuma e iniciativa.”—Romanonan 12:10.

Sea respetuoso hasta ora bo no ta di acuerdo cu e otro persona. Ora bo ta expresa bo mes, evita di bisa cos manera “semper bo ta” of “nunca bo ta.” E tipo di comentarionan ey por laga un miembro di bo famia sintie malo y ofendi, anto esey por pone cu un desacuerdo chikito ta bira un conflicto grandi.

“Un contesta suave ta calma rabia, pero palabra cu ta causa dolor ta lanta rabia.”—Proverbionan 15:1.

LOKE TESTIGONAN DI JEHOVA TA HACI

Testigonan di Jehova ta anima tur miembro di famia pa trata otro cu respet. Hopi biaha, nan ta papia tocante di e tema ey den articulo, buki, foyeto y video cu nos ta publica. Tur e publicacionnan aki ta disponibel gratis.

PA PAREHA CASA: E serie di articulo Yudansa pa Famia por yuda esposo y esposa pa nan ...

ta bon scuchado
no keda sin comunica cu otro
stop di pleita

(Busca “Yudansa pa Famia” riba jw.org)

PA MAYOR: E serie di articulo Yudansa pa Famia por yuda mayornan entrena nan yiunan ...

pa ta obediente
pa yuda cu trabou di cas
pa bisa “por fabor” y “danki”

(Busca “Lanta Yiu” y “Lanta Hobennan” riba jw.org)

Wak tambe e appendix den e buki Questions Young People Ask—Answers That Work, Volume 1. (Busca “Questions Parents Ask” riba jw.org)

PA HOBEN: E seccion Hoben riba jw.org tin varios articulo, video y blachi di tarea cu por yuda un hoben ...

tin un bon relacion cu su mayornan y su rumannan
papia na un manera respetuoso cu su mayornan tocante e reglanan cu nan ta pone
gana confianza di su mayornan

(Bay na e seccion “Hoben” riba jw.org)

E website jw.org ta gratis. Pa uza e website no mester paga nada, ni abona, ni registra. Tampoco no mester yena ningun informacion personal.

SPIERTA!