Ta Dios a crea universo y bida den dje, of nan a bin for di nada? E palabranan di e dos fisiconan cita akiriba y e palabranan den Bijbel na Genesis 1:1, ta duna dos contesta completamente diferente pa e pregunta aki. Tur dos punto di bista tin apoyado ferviente. Pero tambe tin hopi hende cu no sa sigur kico pa kere. Tin discusion tocante e topico aki den hopi buki conoci y programa di television.

Kisas bo maestronan di scol a afirma cu tur siguransa cu no tin un Creador, anto cu universo y bida a bin pa casualidad. Pero bo maestronan tabatin evidencia pa mustra bo cu no tin un Creador? Di otro banda, kisas bo a yega di tende lider religioso bisa cu tin un Creador. Pero nan tabatin evidencia pa comproba loke nan a bisa? Of nan a bisa cu bo mester tin “fe” y djis kere den Dios sin evidencia?

Probablemente, bo a pensa tocante e pregunta aki. Y kisas bo ta sinti cu niun hende no por bisa sigur si tin un Creador of no. Y bo por puntra bo mes tambe: Ta realmente importante pa sa e contesta?

E edicion aki di Spierta! lo trata algun evidencia cu a convence hopi hende cu tin un Creador. Ademas, lo e splica dicon e contesta tocante e origen di bida riba Tera ta importante.