Bebe tabata hopi pega cu su tata. Cu bon intencion un amiga di e famia a bisa Bebe e palabranan ey, pero en bes di a consol’e, Bebe a sinti cu e comentario ey a hacie mas dolor. E tabata blo bisa den su mes: “Su morto no por tabata pa un bon causa.” Ta bisto cu, añanan despues, ora Bebe tabata conta loke a sosode den un buki, ainda e tabatin hopi dolor.

Manera Bebe mes por a experencia, por tuma hopi tempo pa un persona supera e dolor di perde un ser keri, specialmente ora e tabata hopi pega cu e difunto. Cu bon motibo anto Bijbel ta describi morto como “e ultimo enemigo.” (1 Corintionan 15:26) Morto ta afecta nos tur, y nada no por par’e. Hopi biaha, e ta bin inespera y ta ranca nos sernan keri for di nos. Nos niun no ta liber di su gara. Pues, no ta nada straño si nos no sa con pa trata cu morto di un ser keri y loke ta bin despues.

Kisas bo a yega di puntra bo mes: Cuanto tempo ta dura pa supera e dolor? Con un persona por alivia su tristeza? Kico mi por haci pa consola esnan cu a perde un ser keri? Y tin speransa pa nos sernan keri cu a fayece?