For di tempo cu nos Creador a crea hende, el a comunica cu hende mediante angel y profeta. Ademas, el a pone su mensahe- y promesanan por escrito. Dios ta priminti cu nos lo ta feliz den futuro, pero kisas bo ta puntra bo mes, na unda nos por haya Dios su promesanan den nos tempo?

Nos por haya Dios su mensahe den e Santo Scritura. (2 Timoteo 3:16) Con Dios a uza profeta pa skirbi su mensahe? Wel, Dios a pone su pensamentonan den mente di e escritornan, y nan a pone esakinan por escrito. (2 Pedro 1:21) Ta mescos cu awe. Si un comerciante uza un secretario pa skirbi un mensahe p’e, e comerciante ta keda e autor di e mensahe. Di igual manera, aunke cu Dios a uza varios hende homber pa skirbi su mensahe, e ta keda e berdadero Autor di e Scrituranan Sagrado.

Dios su mensahe ta asina importante cu e kier pa hende di “tur nacion, tribu [y] idioma” les’e y comprond’e. (Revelacion 14:6) Danki na Dios, e Santo Scritura ta disponibel, sea completo of un parti di dje, na mas cu 3.000 idioma. Esey ta hopi mas cu cualkier otro buki na mundo.