Hopi hende rond mundo tin mester di cuminda y un luga di biba. Otronan simplemente mester di un speransa pa futuro. Dios kier pa nos haci esfuerso pa yuda esnan den necesidad, y e lo bendiciona nos si nos yuda nan.

“Esun cu tene misericordia di un hende pober ta fia SEÑOR, y e lo pag’e bek pa su bon obra.”—PROVERBIONAN 19:17.

Hesus a conta un storia tocante un homber cu a ser ataca pa ladronnan cu a lag’e mitar morto. (Lucas 10:29-37) Un hende desconoci cu tabata cana eybanda a mir’e y a bay cerca dje pa yud’e. E homber aki a yud’e maske cu e tabata di un otro rasa y cultura.

E homber amabel aki no solamente a yuda e victima cu su heridanan y a cubri su gastonan, sino el a dun’e consuelo y alivio tambe.

Kico nos ta siña for di e storia aki? Hesus a mustra cu nos mester haci tur loke nos por pa yuda un hende den necesidad. (Proverbionan 14:31) E Santo Scritura ta siña nos cu pronto Dios lo caba cu pobreza y sufrimento. Pero kisas bo ta puntra bo mes, con y na ki tempo Dios lo haci esaki? E siguiente articulo lo mustra kico ta e bendicionnan cu nos Creador amoroso lo duna nos den futuro.