Con Bo Por Sobrevivi Fin di e Mundo Aki?

BIJBEL ta describi e fin di e sistema actual di cosnan aki como “un dia di furia, un dia di problema y angustia, un dia di destruccion y desolacion, un dia di scuridad y tiniebla, un dia di nubia y scuridad profundo.” (Sofonias 1:15) Esaki sigur lo no ta un dia cu normalmente bo tin gana di mira! Toch, apostel Pedro a urgi su compañeronan Cristian pa nan ‘spera y pura e binida di e dia di Dios, pa cual motibo e shelonan lo wordo destrui door di kimamento, y e elementonan lo dirti di calor intenso! Ma segun Su promesa nos ta sperando shelonan nobo y un tera nobo, den cual ta biba husticia.’—2 Pedro 3:12, 13.

Aki Pedro no tawata papia di un destruccion di shelo y tera literal. E “shelonan” y “tera” cu Pedro a referi na dje den e contexto aki ta simbolonan di e gobiernonan humano y sociedad humano malbado actual. “E dia di SEÑOR” lo no destrui e tera literal, sino lo “caba cu e pecadonan cu tin den dje.” (Isaias 13:9) Pesei, pa hende cu ta “suspira y keha pa motibo di tur e abominacionnan” cu ta sosode awe den e sociedad humano, e dia di Yehova lo ta un dia di salbacion.—Ezekiel 9:4.

Con anto un hende por scapa riba “e dia grandi y temibel di SEÑOR”? “E palabra di SEÑOR” revela na un di su profetanan ta duna nos contesta pa e pregunta ei: “I lo sosode cu ken cu inboca e nomber di SEÑOR lo wordo libra.” (Joel 1:1; 2:31, 32) Testigonan di Yehova lo ta contento pa yuda bo siña kico ta nifica inboca e nomber di Yehova.