Tempo pa Revela un Asunto Confidencial

Tene un asunto confidencial por haci e diferencia entre pas y pleito. Pero ta yega e momento cu bo tin cu revela un asunto confidencial? Tuma nota di loke profeta Amos a bisa tocante su Dios: “Señor Soberano Yehova lo no haci ni un solo cos a menos cu el a revela su asunto confidencial na su sirbidonan e profetanan.” (Amos 3:7, NW) For di e palabranan aki, nos por siña algo tocante asuntonan confidencial. Yehova por warda cierto cosnan secreto pa un periodo di tempo y despues revela nan na cierto personanan. Con nos por imita Yehova den esaki?

Tin biaha wardadonan nombra den e congregacion cristian ta haya cu ta miho pa no revela cierto asunto. (Echonan 20:28) Por ehempel, pa beneficio di e congregacion, nan por dicidi di wanta e detayenan di un cierto areglo of cambio den responsabilidad di congregacion secreto te na un cierto momento spesifico.

Den un caso asina ta importante si pa splica esnan envolvi claramente con y na ki tempo lo revela e asunto. E echo cu nan sa na ki momento lo revela un asunto publicamente por yuda nan ten’e secreto.​—Proverbionan 25:9.